Restart, are u ready?

感謝神，按手為我醫治身心靈，病情已好了一些，身體發出警號要我好好休息一下，要懂得愛錫自己。
當知道自己病咗要告一個長病假，第一時間係打俾工作伙伴改講座/工作坊日期，第二係打俾同事同朋友希望找個好心人義載工作文件俾我回家做，當然我的同事朋友仲有老公一嘢就KO咗我，罵到隔住電話都感到耳仔濕咗，係嘅，生蛇攪到半邊面都發到豬頭咁，頭同面都痛得要命，紅眼睛都張不大，真係要合上眼抖抖，來，讓我在一呼一吸間感受身體不適，感受身邊人的關愛，感受自己仍有生命氣息，其實抖抖唔係罪，因為休息係要走更長的路。話說在家養病不做工作，有精神時就是畫畫看書，不過發現，其實選看嘅書，都係同工作有關，都好，長知識，一半為自己，一半為工作，都是希望路可以走得更遠。
說回innopower project，好像在疫情中被暫停咗咁未有寸進，多謝同伴的共震及老師Steve的加持，理順返我們的信念，堅持的信念不用改變，改變的只係用更好及更合適現況的方式去呈現，突然想起平霸的廣告方式：

Coco living platform，

一個線上線下嘅互動平台，
集資訊，教育，娛樂，智慧及知識分享等等於一身，
提升你嘅life skills, life sytle同life connection，
讓你同家人，更有信心在社區生活。
Coco living platform ，
一個促進社會共融嘅平台，
Coco living platform ，
一個你我㩦手co create平等生活的平台。

娘爆吧，但講到底end game都是想智障人士可以在社區中平等自在咁生活。快快好返，快快重新有精神力量地投入工作，我好期待。