警司帶人妻偷情 「安全屋」成性地

Unhealthy Wind 必須紏正 - 此篇內容為廣東話,敬請留意

就今次事件政府應該成立緊急特別應變小組,首先關注安全屋衛生問題:究竟全港安全屋清潔得幾頻密?幾時先至會全面清潔一次?會唔會年年大掃除?安全屋清潔員(無論係警隊中散仔兼任,或者聘請清潔姐姐執行)響唔知道真相嘅情況下有可能接觸到帶有性病病原體(例如中咗 HPV)嘅床單被套甚至係傢俬(點知人哋點樣速度與激情先至得傢),一旦構成索償條件,所引起嘅訴訟同索償問題有可能會使政府庫房構成巨大壓力。

其次屋入面時不時傳出嘅呻吟聲會唔會令安全屋地點曝光,繼而失去效用?情況關乎人命(無論中出定係地點曝光引來惡煞搞)必須深入探討。而且咁樣分明會影響該單位樓價,令業主蒙受損失,真係要睇吓點樣賠返錢俾人。

最後,就係關注公務員嘅心理同生理健康,警司同建築署測量師會唔會響中高級公務員嘅交流會或相關活動當中認識?搞成今日咁嘅局面唔多唔少會唔會係政府嘅責任?警司,確實係唔適合去叫雞又或者用 wechat 搖一搖,如果真係因為政府活動導致警司有機會捕獵人妻熟女,應該將歪風全面紏正。所有聯宜活動改為 Mindfulness 或者 Meditation 之類,等大家心理健康又唔好再想咁多愛情動作。

大錯已成,但係仲有得補救。為警隊好,為香港好,真係要關注安全屋問題。如果一時三刻做唔到啲乜,起碼都要放一打安全套響屋入面,提升吓安全度,就算實際上可能唔用或者無用,起碼個心會安樂啲。

如果你喜歡我的文字,請幫忙按 5 次 LikeButton 化讚為賞,回饋創作!請登記 LikeCoin ID,登入後你不需要付出任何金錢,只需要按 5 次我就會得到好處,感謝!