德語閑談—Der-Die-Das-Die
進階同實戰層面
我份人就係咁—開咗Medium 咁耐，一直都無 Daisy Maris Fung 咁勤力，又無 Herr Fung 咁多產量。題材唔係無，日常生活都有好多嘢想講，諗到一半又擔心你哋唔鍾意睇，自行Kill 咗意念。
應承 華田 Watin 咁耐，總要交功課出嚟。既然佢提及 「德語閑談 — 又男又女在幹什麼？」我又即管講吓我喺呢方面學習心得。你哋都知道呢篇係收費文章，就當比我賺一啲咖啡錢，ok?
好地地英文一個 “The”，忽然走來一串Der-Die-Das-Die?
我有問過德國同事，佢哋點學Der-Die-Das-Die… 「無特別架，細個聽爸爸媽媽點講，就點學囉。」唔會問點解? 「無架喎，叫開Das Auto (即係車)咪Das Auto 囉，有得解架咩?」所以我覺得德文好啱具強迫背誦能力嘅亞洲人學。如果唔係，你睇吓你宜家點打文，啲輸入法咪又係背?
宜家諗返，8年前初初上德文堂，頭個一段時間確實上到一頭煙，雖然叫做Beginner Class，好多101 Topic 已經跳過晒。我好肯定老師無好清晰咁講Der, Die 同Das 嘅General Rule (如下圖)。我攪唔清楚因為係私校關係，還是其他同學已經有一定德文根基。每一次堂上又好，功課又好一定提住我哋問呢啲問題，當然喺唔識又答錯情況下，我採取放棄態度「你即管改吧。最多改完我返去自行理解。」
有啲紳士風度—Ladies First
大家唔使擔心。「己所不慾、勿施於人」我自己讀到一煙嘅事，係唔會發生喺我篇文。等我由上而約略解一下。
凡係女生、女性職業都係Feminine 。一般用開Manager，我個Title 會變成Managerin。相信老細都自覺咁叫怪怪地，所以我個Title 都維持著Sales Manager。
大部份在德國河流都係Femininie。德文係咁，Set 完個規矩之後，注尾一定會有例外。
花名稱、船稱號、電單車牌子一律都係Feminine。
凡字尾係 — heit, keit, ung, ion, schaft, ei, ik, ität都係Feminine。另外，眾數都係Feminine。
