ສະຫຼຸບງານ mini CTF ຈັດໂດຍ ທີມ Lao Hacker
ງານ CTF?
CTF ຫຼື ໃນຊື່ເຕັມ Capture The Flag ເປັນງານກ່ຽວກັບ Computer Security(ແປລາວ ຄວາມປອດໄພດ້ານຄອມພິວເຕີ້) ຊື່ງເປັນການແຂ່ງຂັນການເຈາະລະບົບເພື່ອຊີງທຸງກັນ ແລະ ເກັບຄະແນນໃຫ້ໄດ້ຫຼາຍທີ່ສຸດກ່ອນຈະໝົດເວລາ. ທຸງໃນທີ່ນີ້ຈະແທນເປັນຄວາມລັບ ຫຼື ຄຳຕອບທີ່ຈະໄດ້ມາເມື່ອທ່ານແກ້ໂຈດນັ້ນໆໄດ້. ທີມໃດທີ່ມີຄະແນນຫຼາຍທີ່ສຸດຈະເປັນຜູ່ຊະນະ 😺
ຄວາມຍາກງ່າຍໃນການແກ້ໂຈດນັ້ນກໍຈະແຕກຕ່າງກັນໄປ ຍິ່ງໂຈດຍາກກໍຍິ່ງຈະໄດ້ຄະແນນຫຼາຍ
ປະເພດໂຈດ CTF
ໂຈດໃນ CTF ຈະມີຫຼາກຫຼາຍແຕກຕ່າງກັນໄປເຊັ່ນ:
- Cryptoanalysis- ຖອດລະຫັດທີ່ບໍ່ປອດໄພ
- Reverse Engineering- ວິເຄາະ ແລະ ແກ້ໄຂບັນຫາ binary. crack program ເປັນຕົ້ນ
- Web Application Security- ແຮັກເວັບໄຊ ຢ່າງເຊັ່ນ: SQL injection ໆລໆ
- Binary Exploitation- ແຮັກໂປແກຣມ
- Digital Forensics- ກວດສອບຮ່ອງຮອຍຂໍ້ມູນທາງອີເລັກໂຕນິກອັນເປັນປະໂຫຍດ
- Misc- ອື່ນໆ ເຊັ່ນການຖອດລະຫັດ QR-Code ທີ່ບໍ່ສົມບູນ
ທີມແຂ່ງ
ຜູ່ເຂົ້າຮ່ວມແມ່ນມາຈາກຫຼາກຫຼາຍພາກສ່ວນເລີຍ. ສະນັ້ນ ທີມຜູ່ຈັດຈິງມີການສຸ່ມຈັບກຸ່ມ ກຸ່ມລະ 4 ຄົນ ເພື່ອບໍ່ໃຫ້ເປັນການເສຍປຽບ ຫຼື ໄດ້ປຽບຂອງຄົນທີ່ເກັ່ງ ຫຼື ຍັງບໍ່ທັນມີປະສົບການດ້ານນີ້ ຮ່າຮ່າ
- TJLM
- SODSAI — ທີມຜູ່ຂຽນ >< 55
- HOWAREYOU
- PTNL
- G-SUS
ເວລາ
ກຳນົດເວລາການແຂ່ງຂັນແມ່ນ 2 ຊົ່ວໂມງ
ຜົນປະກາດ
ທີມທີ່ຊະນະເລີດ miniCTF ຄັ້ງນີ້ໄດ້ແກ່:
- ທີມ HOWAREYOU ຄະແນນ 680
- ທີມ G-SUS ຄະແນນ 390
- ທີມ SODSAI ຄະແນນ 330
- ທີມ TJLM ຄະແນນ 60
- ທີມ PTNL ຄະແນນ 6
ສະຫຼຸບ
ເປັນງານດີໆງານໜື່ງທີ່ສາມາດຮ່ວມຕົວຜູ່ທີ່ສົນໃຈໃນດ້ານການທົດສອບຄວາມປອດໄພຂອງລະບົບມາແລກປ່ຽນຄວາມຮູ້ ຂໍ້ມູນຂ່າວສານ ພ້ອມທັ້ງເປັນການເຝິກຝົນທັກສະດ້ານຄວາມປອດໄພທາງຄອມພິວເຕີ້ໃຫ້ແກ່ຜູ່ເຂົ້າຮ່ວມແຕ່ລະທ່ານ ໃຫ້ເຫັນຄວາມໝາຍຄວາມສຳຄັນໃນດ້ານນີ້.
ເໝາະສຳລັບຄົນທີ່ເຮັດວຽກດ້ານ IT Security ທີ່ຄວນຈະຮູ້ໄວ້ເພື່ອປ້ອງກັນ. ສຳລັບຕ່າງປະເທດແລ້ວ ບໍລິສັດໃຫຍ່ໆຈະມີທີມເຈາະລະບົບສະເພາະຂຶ້ນມາ ເພື່ອຈຸດປະສົງໃນການຫາຈຸດຮົ່ວດ້ານໄອທີຂອງບໍລິສັດເປັນຫຼັກ
ທ້າຍສຸດ ສາມາດຕິດຕາມຂໍ້ມູນຂ່າວສານດ້ານ computer security ຂອງທີມງານ Lao Hacker ໄດ້ທີ່ເພຈເຟດບຸກນີ້ເລີຍ