GDPR ແລະ ການປັບຕົວ
GDPR ຄື?
GDPR ໃນຊື່ເຕັມ General Data Protection Regulation ເປັນກົດໝາຍທີ່ທາງ EU(ຢູໂຣບ) ເລີ່ມດຳເນີນມາຕັ້ງແຕ່ປີ 2016 ເພື່ອຄວບຄຸມ, ກຳກັບ, ດູແລ ແລະ ຄຸ້ມຄອງການນຳໃຊ້ຂໍ້ມູນສ່ວນຕົວຜູ່ໃຊ້ຂອງແຕ່ລະບໍລິສັດ ຈົນໄປຮອດການສົ່ງຕໍ່ຂໍ້ມູນດັ່ງກ່າວໄປບໍລິສັດອື່ນ ຂອງຄົນ EU ເອງ
ສະນັ້ນແຕ່ລະບໍລິສັດທີ່ມີການໃຊ້ຂໍ້ມູນຜູ່ໃຊ້ ຈຳເປັນຕ້ອງໄດ້ຂໍໃຫ້ຜູ່ໃຊ້ຍິນຍອມທີ່ຈະໃຫ້ໃຊ້ຂໍ້ມູນກ່ອນຢູ່ສະເໝີ ຊື່ງມີຜົນບັງຄັບໃຊ້ຕັ້ງແຕ່ວັນທີ 25 ພຶດສະພາ 2018 ນີ້ເອງ.
ກົດໝາຍນີ້ສາມາດນຳໃຊ້ກັບຄົນ EU ໄດ້ທົ່ວໂລກ ບໍ່ວ່າເຂົາຈະຢູ່ໃສ? ຖ້າບໍລິສັດມີຖານຄົນໃຊ້ທີ່ເປັນຄົນ EU ຢູ່ ຜູ່ໃຊ້ງານກໍສາມາດນຳໃຊ້ກົດໝາຍນີ້ໄດ້
ສຳລັບຈຸດດີນັ້ນຈະຕົກເປັນຂອງຜູ່ໃຊ້ບໍລິການຄື: ຜູ່ໃຊ້ບໍລິການສາມາດກວດສອບຂໍ້ມູນຕົນເອງທີ່ເຄີຍອະນຸຍາດໄປໄດ້, ສາມາດທີ່ຈະລົບ ຫຼື ບໍ່ອະນຸຍາດໃຫ້ນຳໃຊ້ຂໍ້ມູນຕໍ່ໄປໄດ້. ຊື່ງໃນທາງບໍລິສັດເອງກໍຕ້ອງຊັດເຈນ ແລະ ຕື່ນຕົວປະຕິບັດຕາມ ເພາະຜົນເສຍຫາຍນັ້ນ ຖ້າບໍລິສັດບໍ່ປະຕິບັດຕາມທາງຜູ່ໃຊ້ກໍສາມາດຍື່ນຟ້ອງຮ້ອງ ແລະ ນຳໃຊ້ກົດ GDPR ນີ້ຄືນໄດ້ ຄ່າປັບໄໝກໍຄື 4% ຂອງລາຍໄດ້ທັງໝົດຂອງບໍລິສັດ
ການປັບຕົວ
ສິ່ງທີ່ເຮົາຈະປັບຕົວໄດ້ ໃນເບື້ອງບໍລິສັດກໍຄືການເຮັດຕາມກົດ GDPR ທີ່ໄດ້ວາງອອກນັ້ນໃຫ້ຄົບ ແລະ ເປັນມາດຕະຖານກັບ EU ໄປເລີຍ. ເຖິງແມ້ວ່າກົດນີ້ຈະນຳໃຊ້ໄດ້ແຕ່ຄົນທີ່ມາຈາກ EU ເທົ່ານັ້ນກໍຕາມ. ເພາະຂໍ້ມູນສ່ວນຕົວທີ່ເກັບໄປນັ້ນ ຖ້າບໍ່ນຳໃຊ້ ຫຼື ບໍ່ມີກົດຄວບຄຸມນີ້ ກໍມີໂອກາດສ່ຽງທີ່ຈະຖືກນຳໄປໃຊ້ໃນການເຮັດໂຄສະນາ, Call center ໂທມາຕົວະຍົວະໃຫ້ນຳໃຊ້ບໍລິການໃດໜື່ງທີ່ເຮົາບໍ່ຕ້ອງການ ແລະ ອື່ນໆ ລ້ວນແຕ່ມາຈາກຂໍ້ມູນສ່ວນຕົວຂອງຜູ່ໃຊ້ ທີ່ເຂົາເອົາໄປວິເຄາະ ແລະ ສົ່ງກັບມາໃຫ້ເຮົາໃນຮູບແບບດັ່ງກ່າວ ເຫຼົ່ານີ້ເປັນຕົ້ນ. ນີ້ຍັງບໍ່ໄດ້ນັບໃນເລື່ອງຂອງຄວາມເຊື່ອ, ການປຸກລະດົມຕ່າງໆ ແລະ ສ້າງຄວາມຂັດແຍ້ງຕ່າງໆ ທີ່ມາຈາກຂໍ້ມູນຜູ່ໃຊ້ເຮົາເອງລ້ວນໆ.
ສຳລັບບາງປະເທດກໍຍັງຖືເບົາໃນເລື່ອງນີ້ ແລະ ຍັງບໍ່ມີກົດໝາຍຄວບຄຸມຂໍ້ມູນສ່ວນຕົວ. ໃນຝັ່ງຜູ່ໃຊ້ງານເອງກໍຢາກໃຫ້ທຸກຄົນຕື່ນຕົວລະມັດລະວັງການນຳໃຊ້ ຫຼື ໃຫ້ຂໍ້ມູນສ່ວນຕົວຂອງຕົວເອງຫຼາຍເກີນໄປ ເພາະອາດເປັນໄພໜື່ງທີ່ເຮົາບໍ່ສາມາດຄາດເດົາໃດ.
ຕົວຢ່າງໜື່ງກໍຄື ເຫດການທີ່ Facebook ອະນຸຍາດໃຫ້ນຳໃຊ້ຂໍ້ມູນຂອງຜູ່ໃຊ້ໄປໃນທາງທີ່ບໍ່ດີ ຈົນຂຶ້ນໂຮງຂຶ້ນສານມາ ເຫຼົ່ານີ້ເປັນຕົ້ນ