VSCode text editor ຍອດນິຍົມ
VSCode ໃນຊື່ເຕັມ Visual Studio Code. ຊຶ່ງເປັນ Text Editor ທີ່ສ້າງຂຶ້ນໂດຍບໍລິສັດ microsoft(ຜູ່ພັດທະນາລະບົບທີ່ເຮົາຄຸ້ນເຄີຍກັນ).
VSCode ແມ່ນເປິດໃຫ້ນຳໃຊ້ຕັ້ງແຕ່ວັນທີ 29 ເມສາ 2015 ເປັນຕົ້ນມາ. ມີຄວາມໂດດເດັ່ນໃນເລື່ອງຂອງຄວາມໄວ, ຮອງຮັບຫຼາກຫຼາຍພາສາໂປຣແກມ ແລະ ໃຊ້ຊັບພະຍາກອນເຄື່ອງຕຳ່. ອີກຈຸດເດັ່ນໜື່ງກໍແມ່ນເລື່ອງຂອງສ່ວນຂະຫຍາຍ ຫຼື Extension ທີ່ມີຢູ່ຫຼາກຫຼາຍໃຫ້ເຮົາເລືອກນຳໃຊ້ດັ່ງໃຈເຮົາຕ້ອງການ ແລະ ຍັງຖືວ່າເປັນເຄື່ອງມືໜຶ່ງທີ່ໄດ້ຮັບຄວາມນິຍົມເປັນອັນດັບຕົ້ນໆໃນຕອນນິ້
ດາວໂຫຼດ ແລະ ຕິດຕັ້ງ Visual Studio Code
ເຂົ້າໄປທີ່ https://code.visualstudio.com/download
ພາຍໃນເວັບກໍຈະປະກອບມີ 3 ສ່ວນຫຼັກໆໃຫ້ດາວໂຫຼດ ທັ້ງນີ້ກໍແລ້ວແຕ່ຜູ່ອ່ານຈະເລືອກ ດາວໂຫຼດ ຕາມລະບົບປະຕິບັດການໃຊ້ຢູ່ :p
ການຕິດຕັ້ງກໍບໍ່ມີຫຍັງຍາກຫຼາຍມີແຕ່ກົດ next ໄປເລື້ອຍໆ ແຕ່ກໍແນະນຳໃຫ້ອ່ານແຕ່ລະໂຕ
ເມື່ອສຳເລັດແລ້ວ. ເຮົາກໍຈະໄດ້ໄອຄອນ VSCode ທີ່ເປັນສິຟ້າປະມານນີ້(ຜູ່ຂຽນແມ່ນໃຊ້ລະບົບປະຕິບັດການ macOS). ເຮົາຈະບໍ່ຫຼົງໂປຣແກມອີກແລ້ວ ເພາະນັບຕັ້ງແຕ່ເວີຊັ່ນ 1.8 ຂຶ້ນໄປ microsoft ໄດ້ກັບມາໃຊ້ ໄອຄອນທີ່ເປັນສີຟ້າຄືນໃຫ້ກັບ vscode ຕ່າງຈາກສີສົ້ມກ່ອນໜ້ານີ້ 55555
ແນະນຳສ່ວນເສິມ Visual Studio Code
- Dracular Official — ປ່ຽນ theme VSCode ໃຫ້ມືດໆ ເທ່ໆ(ສາຍດາກ)
- Git Lens — ຈະເປັນເງົາໆສະແດງການປ່ຽນແປງຂອງແຕ່ລະບັນທັດຂອງ git
- Terminal — shortcut ເຂົ້າໜ້າ Integrated Terminal
- Angular Essentials
- Angular v5 Snippets
- Angular2-inline
- Angular Language Service — ສຳລັບຈັດການເລື່ອງ template
- Beautify
- Material Icon Theme — ສຳລັບການປ່ຽນໄອຄອນໂປເຈັກ ແບບເທ່ໆ ມີຫຼາກຫຼາຍແບບໃຫ້ເລືອກໃຊ້
- ESLint
- HTML Snippets
- Debugger for Chrome
ສະຫຼຸບ
ສຳລັບເຈົ້າຂອງບົດຄວາມ ແມ່ນໄດ້ເລີ່ມໃຊ້ມາໄດ້ໄລຍະໜຶ່ງແລ້ວ ຊຶ່ງຍ້າຍມາຈາກ WebStorm ກັບ phpStorm(ສອງອັນນີ້ແມ່ນຕ້ອງໄດ້ເສຍເງິນຊື້) ເຫັນວ່າ VSCode ແມ່ນໄດ້ຮັບຄວາມນິຍົມຫຼາຍ ບວກກັບສາມາດປັບແຕ່ງໃຫ້ເໝາະກັບງານແຕ່ລະງານໄດ້ດີ ແລະ ໄວ. ສະນັ້ນ,ຈິງຢາກເອົາມາແນະນຳຟາກມືໃໝ່ ແລະ ມືເກົ໋າໆທັງຫຼາຍ ອິອິອິ
ຖ້າບົດຄວາມນີ້ເປັນປະໂຫຍດ ສາມາດສົ່ງເສີມຜູ່ຂຽນດ້ວຍການ Share ຫຼື ກົດປຸ່ມ Clap ຄ້າງໄວ້ໄດ້ ເພື່ອເປັນກຳລັງໃຈກັນ :)
