ભાષા શિક્ષણ
Published in
1 min readJun 8, 2017
ભાષા સંવર્ધક ક્રિયાઓ : ભાષા શીખવતી વખતે ખાસ શું — શું કરવુ :
- અનેક પ્રકારની ભાષા તરેહ — વાર્તા, ગીત, જાહેરાત, સંવાદો, કવિતા — વિદ્યાર્થીઓને સંભળાવતા, બોલાવતા રહો
- વર્ગમાં પણ ચારે બાજુ સચિત્ર ભાષા દેખાવી જોઇએ. વિદ્યાર્થી ને રસ પડે એવા ચાર્ટ, પુસ્તકો, મેગેઝીન, વગેરે વર્ગમાં હોવા જોઈએ.
- વર્ગમાં અડધાથી ઉપરની સામગ્રી વિદ્યાર્થીની સામન્ય કક્ષા થી ઉપર હોય તો સારું.
- કાવ્ય પઠન, વાર્તાકથન દરરોજ થવું જોઈએ કવિતાઓ ગાઈને મોઢે કરાવવી.
- શબ્દભંડોળ વધારવા એક પાના માંથી 10 શબ્દો પસંદ કરીને એવી રીતે વાપરવા, જેથી એક અઠવાડિયામાં એટલા શબ્દો તૈયાર થઇ જાય. શીખેલી ભાષાનો રોજ — બરોજ ઉપયોગ કરો, રમૂજી પ્રસંગો / કિસ્સાઓ / જોક્સ વાંચી સંભળાવો.
- શ્રુતલેખન કરાવવું
- શબ્દરમતો રમાડવી. જેમકે ચિત્ર શબ્દો માંથી શબ્દખોજ, શબ્દ ચાવી, વગેરે
- સર્જનશીલતા વિકસાવવી. દા.ત , વાર્તાનો અંત બદલો, વાક્યમાં નવા વિશેષણો ઉમેરો, વાર્તા આગળ ચલાવો, વગેરે
- કવિતા/વાર્તા ને નાટકરૂપે લખો. જૂથ ચર્ચા કરો.
- વિદ્યાર્થીઓ વર્ગમાં કથન તેમજ વાંચનમાં મોટેથી બોલે એવી પ્રેક્ટિસ કરાવવી
- મુખવાંચન કરાવવું, તેમાં મહાઘોષકરાવવો એટલેકે મોટે થી બોલવું.
- કવિતા ઓછામાં ઓછા 2 કલાક ચલાવવી જોઈએ. (આસ્વાદ, રસદર્શન, પ્રાસનું સર્જન કરી એના જેવી એકાદ પંક્તિ લખે ત્યાં સુધી લઈ જવું.)
ભાષા વિકાસ માં બાધારૂપ ક્રિયાઓ : ભાષા શીખવતી વખતે ખાસ શું — શું ન કરવુ :
- (ધો. 1- 2 માં કક્કો બારાખડી ન શીખવવા — લખવા વાંચવા પર મુખ્ય ભાર ન આપવો.)
- ગોખાવવું નહીં
- જેના જવાબ સીધા મળી જતા હોય એવા પ્રશ્નો ન પૂછવા,
- ગૃહકાર્ય માં એક જ વિષયવસ્તુ ને 5 વાર લખવા જેવી ટાસ્ક ન આપવી
- શબ્દોના અર્થ સીધા સમજાવી ન દેવા
- કવિતામાં કવિ શું કહેવા માંગે છે તેની ઉપર ઓછું ધ્યાન આપવું. વિદ્યાર્થીની સમજ પર વધુ ધ્યાન આપવું