Младината на Хитлер …
Пазете го податоков: младината на Хитлер броела околу 5.4 милиони членови во 1939 година! Некаде прочитав дека ова било над 60% од младите во Германија (ме мрзи да проверувам точно). Ова било пред Хитлер воопшто да го забрани постоењето на други младински организации. Луда работа.
Овие млади луѓе и деца (најниската возрасна граница на членовите била 10 години!) не биле „испрани“ само да вршат терор и пропаганда низ улиците во Германија — голем дел од нив биле учесници и во војните на Хитлер. Патем, првичната причина за формирањето на младите сили на Хитлер било креирање кандидати за т.н. Storm Troopers (паравоената нацистичка формација). Иако формално најмладите војници требало да бидат 16 годишњаци, при крајот на хитлеризмот американците и русите пријавувале случаи и на 8–9 годишни деца кои учествувале во војната. 5,000 деца војувале во последната одбрана на Берлин при влезот на Русија (нормално, 4,500 биле убиени или тешко ранети во првите четири дена откако стигнале русите).
Најзабеганиот дел е што по падот на Хитлер во мај 1945, дел од овие млади луѓе биле тотално избезумени, не можеле да прифатат дека војната е завршена — и „семоќната“ Германија изгубила — со се нивниот Бог. Пазете, не им било воопшто ова замисливо како опција. Мал дел од нив продолжиле да се кријат по шуми (т.н. Werewolf кои уште во 1944г. биле фомирани да вршат герила напади на териториите кои биле под контрола на сојузниците за да го одолговлечат крајот на Хитлер; познати биле и како „очајнички врисок на нацистичкиот режим“) и вршеле „акции“ и одреден период по завршување на војната.
Патем, децава биле единствени фашисти кои не биле гонети во Нирнбершките случаи, сметајќи ги премногу млади за рационално расудување, жртви на Наци-пропаганда и „перење мозок“. Исклучок биле дел од постарите младичи (+21 година), меѓу кои и лидерот на младите сили Балдур фон Ширах кој бил и еден од ретките фашисти кои се покаал за злоделата и сведочел против Хитлер:
…It is a crime which is shameful to every German….It is my guilt, which I will have to carry before God and the German nation, that I educated the youth of that people; that I raised the youth for a man who, for many years, I considered impeccable as a leader and as a head of state; that I organized youth just as I did. It is my guilt that I educated German youth for a man who committed murder by the millions.
Интересно е што фон Ширах бил осуден на 20 г. затвор не само за помагање при вршење геноцид туку и за индоктринација на младите во духот на национал-социјализмот и ширење наци-пропаганда.
Сепак, Сојузниците добро знаеле дека во овие деца е засадено семе на злото — биле испрани, измамени, изманипулирани. Не биле „поштедени“. Со нив се одело со програма за „денацификација“, „чистење“: морале да гледаат документарци за што точно се случувало во концентрационите логори, емисии за демистификација на лагите на Хитлер за економијата и општествените случувања, итд.
Луда работа.
