渾水《兩條股票問題的本質》

北水湧進來香港股市,甚至買爆相關的衍生工具,實在也無法去推測北水的動向。現在的局面,就是強者愈強,弱者愈弱。

騰訊(700)升到發狂, 每日輪證成交都超勁, 我這類細價股投資者眼紅到不得了。 如果同樣浩瀚的資金流流入細價股, 我就發達了, 可惜可惜。

不論行街、 工作, 都常常聽到兩條問題: 「騰訊可以升到幾高? 」、 「大市可以升到幾高? 」

我唔識答, 只有主觀願望和心理目標價。 股價升到咁, 真係望唔透。 我估大行分析員都望唔透。 所謂的估值模型, 都係由假設推導出黎。

某程度黎講, 呢兩個問題, 本質上可以是同一條問題。

騰訊是恒生指數成分股佔比最大的部分, 恒生指數的幾成升幅, 都係由騰訊帶動, 未來大市要創新高, 都係睇騰訊。 事實上, 大市的估值都不似是由基本因素帶動, 而是由資金引領, 尤其是最近北水湧進來香港股市, 甚至買爆相關的衍生工具, 實在也無法去推測北水的動向。

現在的局面, 就是強者愈強, 弱者愈弱。 結果, 我們這類細價股的投資者, 只能眼白白看着一般投資者跑贏大市, 然後斯人獨憔悴。

對於未來細價股的預測, 我只能主觀地希望贏到錢的聰明資金會去細價股市場走一轉, 因為細價股很多玩家已經整裝待發, 蠢蠢欲動。 現在只欠東風一吹。

  • 原載: 《都市日報》

原文:http://linepost.hk/?uid=21192

Like what you read? Give LinePost.hk a round of applause.

From a quick cheer to a standing ovation, clap to show how much you enjoyed this story.