Lika-liku Salah Mlaku
Sigit Achmad
Tolek tembel ban nak srikana
Warna kali ne ijo akeh limbah
Keterimo dadi mahasiswa atiku seneng gembira
Nak suroboyo kampus airlangga
Dharmawangsa akeh panggon cangkruk’an
Onok kopi, sate cecek, sego lan gorengan
Muter dharmawangsa, mojo, srikana, jojoran
Gak nemu-nemu idek lan murah panggon kos kos an
Nang pasar pucang tuku tempe
Ojok lali isi ulang banyu galon e
Melu tes kono kone, ospek, manut syarat sak kabeh e
Ndelalah durung bayar kos wes entek duwik sangune
Tuku batagor gak atek pare
Ngarep e halte panggon dodol e
Kuliah kalah bensin riwa riwi kampus b kampus c
Alkamdulilah cewek unair ayu ayu rupane
Persebaya bonek jeneng sporter e
Warna ijo simbol klambine
Melbu kuliah akeh tugas e
Melu seminar melu pkm gawe syarat lulus jarene
Sore sore mulih kuliah weteng luwe
Mampir bu mega mangan penyetan enak rasane
Saiki bapak emak ngeriwik biaya kuliah tambah gedhe
Bayar kuliah larang awak loroh kabeh
Kebab enak rasane
Ngarepe minimarket panggon dodolane
Bapak buruh pabrik endi cukup bayar kuliah anak e
Sertipikat omah akhire digadekke
Bengi-bengi kepingin tuku ketan
Nemu sing dodol nak dharmawangsa wetan dalan
Sing wisuda atus an mahasiswa melbu anyar ewonan
Gaji satpan klining serpis pancet pas pasan
Belajar kritis mergo sing diajarno iku-iku ae
Nilai elek sing disalahno mahasiswae
akeh kegiatan debat gak ketemu perubahane
darman dodolan jajan dolek duwek gawe nyambung urip e
foto kopy pink nak mburine perpustakaan
tokone tutup jam 10an
lenek ilmu gawe mbijuk’i lan gawe gaya gaya an
mending ayo dibubarno ae perkuliahan
lanek pendidikan digawe dodolan
kabeh masyarakat moso iso pinter lan sadar
lanek wong intelektual mbidek gak peduli malah ngurusi proyekan
yowes ngene iki Indonesia gak mari-mari gegeran
Bekupon omah e doro!
Melbu kuliah tambah soroh!
Tuku penyetan sing pedes sambele!
Ayo dilawan ojo mbidek wae!