入門耳機線新貴-ELETECH

好耐未玩過線喇，新加坡品牌ELETECH新出咗兩條線，咁啱呢排真係冇乜嘢好玩，就拎嚟試下，反正又唔貴，最啱筆直唔多嘅人士。

兩條線唔粗但手工不錯，尤其係集線器位，黑襯上銅感覺高級又實在。

Prudence

銅鍍銀Prudence，外表同一般線材一樣都係銀色，4芯線絕對唔粗，戴上身唔會有負擔。聲音都係偏亮少少快聲，勝在唔會粗聲唔會濛，絕對係初燒人士好選擇。

Fortitude

純銅線Fortitude，同其他純銅線一樣係紅銅色，4芯嚟講都不粗。聲音擁有一貫純銅線特色，飽滿而偏向中低頻，如果夾薄聲耳機絕對唔錯，相對於Prudence 比較有肉地，只係有點點不夠清晰。

講完好嘅，應該講下要改善嘅嘢啦。Fortitude 其實可以唔好用透明外皮，改用半透明黑即刻有型哂，Predence 配件可以考慮改用銀色嘅，咁就更協調喇。另外個布袋同crystal cable 那個一樣係冇用的。

同時收到Campfire ARA，啱啱好可以夾嚟聽聽。原來呢個配搭亦唔令人失望，花費唔多就可以享用平衡線帶來嘅升級，又唔會過度改變音色，簡簡單單又唔錯。

總結：其實純銅線同銅鍍銀嘅線通街都有，本身都冇乜特別好講，不過條線又真係幾靚樣，千零兩千蚊港紙唔算貴，交到功課啦。