Lub Tsev Teb
Published in
1 min readAug 30, 2019
Kuv lub tsev zoo li tsev teb
Tiv thaiv kom txhob ntub nag,
Tiam sis tiv thaiv tsis tau huab cua,
Tiv thaiv tsis tau los ntawm dab thiab tsov.
Kuv lub tsev tsis muaj tus ncej dab
Los tuav lub tsev kom khov kho,
Kom ruaj ntseg li luag.
Txoj kev txom nyem lwj siab
Zoo cuag nkaus ib kob nag
Los tsis txawj tu,
Nyab tag kuv lub tsev,
Nyab tag kuv lub siab.
Ua rau kuv lub siab lub ntsws
Txias lawm zuj zus.
