巧遇街市實驗室

By Tiara Hung

每次打工去到某個時間，就會揾另一啲嘢做。心諗，與其坐喺度撻皮，不如增值下，個腦再唔郁就生菇㗎啦。第一份工跑咗去學日文，雖然考完N4冇咗條尾。今年，參加咗街市實驗室。

香港人成日追潮流，珍珠奶茶十幾年前夠興過，之後執晒笠。早幾年捲土重來，不排除兩三年後又摺晒，who knows？「社會創新」成日聽，但實際做啲乜？係見外國做我又做？會唔會曇花一現？最後會唔會泡沫爆破？近年真係懷疑成個世界都充滿騙局。

又心諗，知多樣嘢冇壞，不如試下in啦…然後加入咗（多謝mad賜予面試機會哈哈）。

街市實驗室行緊co-create共同創造的路，講公眾參與。同你叮一聲諗到條橋就去馬唔同。老實說，各有各好，條條大路通羅馬。

獅子座係自大狂，但近年已經open-minded咗…唔，應該話信心不嬲下試緊谷底，人哋講乜我都學會欣賞㗎啦。加上自己真係垃圾，終於發現讀專業真係好•有•用，識畫圖識planning好過識背唐詩三百首。本字典，留返瞓覺前煲都得啦。搞到我又想讀讀讀讀讀書。

社創好唔好？點定義可持續，要funding維生就唔算可持續？定個plan嘅經驗可以傳承，已經係可持續？Slash世代其實幾幸福，有更多學習可能。

為街市尋找可能，為社會尋找可能。都為自己尋找可能啦🧐。

（原文轉載自Facebook）