街市實驗室幕後花絮 之： 街坊的威力真是非常強大！

.
四天街市實驗室行動週好不容易才能順利進行，當中同事們及實驗室團隊上下通宵達旦準備，為的就是向大家展示街市的不同可能性。先不談宏大的目標，往往快樂都從小事中體現。這數天看到了很多好人好事，很想跟大家分享幾則街坊窩心小故事：
.
👵有位住係筲箕灣，籍貫福建嘅婆婆經常到街市打躉， 實驗期間更長期坐係街市中庭嘅臨時客廳。Lab Fellow Kelly係福建人，但已經好耐無返鄉下。閒談之間Kelly透露自己好掛住鄉下嘅特色小食。點知第二日，婆婆竟然親自煮咗一大碟蚵仔煎請大家食！
.
👩‍🍳賣燒賣嘅小食檔主唔小心帶錯咗個煲蓋，蓋唔實個鍋，諗住去買塊布遮住。隔離街市粉麵檔檔主見狀，立即義不容辭借出毛巾，仲話唔使客氣！
.
🥣某位檔主初期對於一班外來人踩場表現冷漠，甚至團隊在設計資訊包時會標註該檔為”prefer no talking”。豈料經過兩個多月團隊不厭其煩的慰問，今次他竟然答應成為導賞團「養生秘技」中一站，仲主動煲湯請團友飲。佢話「你哋而家做嘅嘢係播種，街坊來過，話唔埋有一日會返嚟再幫趁我地呢」
.
引用日本社區營造大師山崎亮的語錄：「社區的定義，不只設計空間，更要設計人與人之間的連結」。令公營服務更符合街坊需要，加強人與人之間連結：這些都是實驗室團隊正努力不懈的實踐的理念 ⭐️
.
改變未必是一朝一夕的事，當中有很多的辛酸。全靠這些窩心小故事，才讓我們有力量繼續前行。
.
讓我們向大家證明，街市可以係好溫暖，好有人情味的 ～