小三常識學啲乜
Published in
23 min readOct 17, 2023
嚟到小三, 終於有六冊書。
第一冊: 健康的生活
原來 ETV 嗰啲細菌大王全部都係呢個年級。
單元一: 活得安康
1.1 藥到病除
- 身體不適, 應該及早求醫, 唔應該食之前剩低嘅藥或買成藥。覺得 COVID 將呢件事完全推翻 (中了 COVID 一個星期好似真係自動斷尾, 食緊嘅撲熱息痛係對眼做激光後醫生開嘅止痛藥)。有 fd 喺公立醫院做藥劑師, 會拎好多袋抗生素返屋企, 一病就食, 完全唔跟甚麼療程。唔知真假。
- 比較睇中醫同睇西醫嘅分別。
- 「看病時, 要清楚說出病情和小心聆聽指示。」
- Show 咗唔同款嘅藥物, 藥水藥丸外仲有中藥藥粉同中藥材。再教 reading comprehension 般教睇藥水上嘅標籤。
- 如何服用藥物: 唔好病好咗就唔食藥 (要問醫生)、唔好食多兩粒諗住快啲好、唔好 share 藥食。
- 竟然教藥物要放喺陰涼乾爽嘅地方, 仲有埋圖教唔可以俾太陽曬。
- 教生病時點照顧自己, 內容中小朋友三日就好返。
- 關懷病人方法: 提醒病人食藥、打電話問候。
- 唔知點解我好記得自己喺小學常識學過病人有知情權、決定權、私隱權同醫治權,呢本書無。可能高啲年級會教。
1.2 遠離煙酒和毒品
- 列出食煙禍害。跟唔切, 未有電子煙。
- 列出喝酒禍害。慶幸自己兩樣都唔好, 連咖啡癮都無埋。
- 「吸煙和喝酒都會損害健康, 我們要堅決拒絕。」唔知打開書包同書一陣煙味嘅細路們學完呢課之後點面對家人。
- 吸毒的禍害, 用兩幅圖解釋咩係食緊藥, 咩係濫藥。
- 要閱讀同吸毒有關的報章標題: 「男生吸毒後失常 夜闖宿舍咬女生」「吸毒後產生幻覺 看見友人變巫婆」hmm 我啲細路無吸毒都已經係咁。
- 有吸毒 case study 兩個: 一個係吸到生晒瘡同蛀牙, 另一個係記憶力變差同每 15 分鐘就要去一次廁所。