2019–20 英超第 3 周

【Monday Morning Regista Ep1】

今年新嘗試：一周英超過後的賽後觀察。
美國人有句說話，叫 Monday Morning Quarterback，廣東話意譯，好簡單：「馬後炮」。英式足球冇 Quarterback，就叫 Monday Morning Regista

MMQ 比「冷氣軍師」更高一級，因為仲要事後先講

Monday Morning Quarterback 句子原意：星期日美式足球打聯賽，星期一大家當然可以馬後炮指指點點話「畀著我就會咁樣打／交／決定」，馬後炮嘅重點係乜？一定中嘅。

今年試吓每個星期一同大家分享吓一啲賽後 observations：

MMR #1:
阿仙奴用 4–3–1–2 面對利物浦，當然係希望穩守突擊，後面用 7 個球員去守，前面搏反擊。事實上係爭啲成功，只衰在比比唔生性。

但 4–3–1–2 亦暴露出一個問題，就係完全冇能力防守利物浦最厲害嘅二閘助攻。上半場見到幾次 Willock 要响中間位撲番出去守阿諾，辛苦了。

4–3–1–2 中暴露大量空位讓二閘插上。原圖：Match of the Day

MMR #2:
本周最大冷門，當然係紐卡素擊敗熱刺（水晶宮贏波都冇咁奇）。失波一球，Sanchez 明顯走漏 Joelington，連同上周對曼城冇追迪布尼，山齊士已經連續兩周失誤造成失球。感覺上，山齊士在三人後防做包抄，同踢雙中堅有好大分別。

注：呢類追漏人唔會在官方統計 Opta 當作 mistakes led to goal，因為冇得「計」個 consequence

山齊位咁嘅企位、Body Orientation，一過頭就玩完啦

MMR: #3
曼聯對水晶宮，當然係估唔到。但亦見到曼聯現在嘅 set-up 係適合踢反擊多於踢主攻。中前場 6 個球員，明顯冇一個好強的短傳／組織能手，普巴放長波係世界級，但一場放得幾多次？睇番佢哋中前場球員名單，陣中最有滲透傳球能力嘅球員，可能係馬達，同埋…Mason Greenwood!

兩年前 Mason Greenwood 代表曼聯 u21 來香港，一看已知非池中物