Caffein ແລະ Migraine

ຫຼາຍຄົນຄົງຈະເຄີຍໄດ້ຍິນຜ່ານຜ່ານຫູມາແນ່ກ່ຽວກັບອາການເຈັບຫົວໄມເຄຣນ

ມື້ນີໝໍຈະມາອະທິບາຍໃຫ້ທ່ານໄດ້ຮູ້ຈັກກັບໄມເຄຣນ ແລະ ທຳຄວາມເຂົ້າໃຈນຳກັນວ່າ ຕົກລົງການກິນກາເຟມັນຊ່ວຍ ຫຼື ມັນໄປເພີ່ມເຮັດໃຫ້ອາການເຈັບຫົວຮຸນແຮງຂຶ້ນ

ເຈັບຫົວໄມເຄຣນ (Migraine) ແມ່ນຫຍັງ ເກີດຈາກຫຍັງ ?

▸ ເຈັບຫົວໄມເຄຣນ ແມ່ນອາການເຈັບຫົວຊະນິດໜຶ່ງເຊິ່ງເກີດຈາກການທີ່ເສັ້ນເລືອດບໍລິເວນສະໝອງຂອງອາດຈະມີ #ການຂະຫຍາຍຕົວ ຫຼື ບາງຄົນແມ່ນເກີດຈາກເສັ້ນເລືອດສະໝອງມີ #ການຫົດຮັດ

ອາການຂອງເຈັບຫົວໄມເຄຣນເປັນແບບໃດ ?

▸ ສ່ວນໃຫຍ່ ອາການເຈັບຫົວ ຈະເຈັບຂ້າງໃດຂ້າງໜຶ່ງ ເຊິ່ງກ່ອນຈະເຈັບຫົວແຕ່ລະຄັ້ງຄົນເຈັບມັກຈະມີອາການນຳມາກ່ອນຄື ເຊັ່ນ ຕາມົວ ມຶນໃບໜ້າ ເຫັນແສງວູບວາບ ຈາກນັ້ນ ອາການເຈັບຫົວກໍຈະຄົງຢູ່ປະມານ 48–72 ຊົ່ວໂມງ ຖ້າບໍ່ໄດ້ກິນຢາປິ່ນປົວ, ອາການເຈັບຫົວດັ່ງກ່າວຈະເປັນໆ ຫາຍໆ ແລ້ວແຕ່ວ່າມີປັດໃຈມາກະຕຸ້ນ

ການດື່ມກາເຟ ມີຜົນແນວໃດກັບການເກີດໄມເຄຣນ ?

▸ ກາເຟອິນເປັນໄດ້ທັງຕົວທີ່ໄປກະຕຸ້ນໃຫ້ເກີດການເຈັບຫົວ ແລະ ເປັນໄດ້ທັງຕົວຊ່ວຍບັນເທົາອາການ ໂດຍ ກົນໄກການເກີດໄມເຄຣນເກີດຈາກເສັ້ນເລືອດຂະຫຍາຍຕົວ ສານກາເຟອິນຈະເປັນຕົວໄປກະຕຸ້ນເຮັດໃຫ້ເສັ້ນເລືອດບໍລິເວນສະໝອງນັ້ນຫົວຮັດຕົວ ເຮັດໃຫ້ເຈັບຫົວດີຂຶ້ນ ແຕ່ຖ້າກົນໄກໄມເຄຣນເກີດຈາກເສັ້ນເລືອດສະໝອງຫົດຮັດ ກາເຟອິນກໍຈະເປັນຕົວໄປເຮັດໃຫ້ອາການເຈັບຫົວຮຸນແຮງຂຶ້ນ

Caffeine-withdrawal Headache ຫຼື ເຈັບຫົວຈາກການຢາກຖອນກາເຟແມ່ນຫຍັງ ?

▸ Caffeine-withdrawal Headache ແມ່ນອາການເຈັບຫົວທີ່ເກີດຂຶ້ນຫຼັງຈາກທີ່ຄົນທີ່ເຄີຍດື່ມກາເຟເປັນປະຈຳບໍ່ໄດ້ກິນກາເຟເປັນເວລາ 24 ຊົ່ວໂມງນັບຈາກເທື່ອສຸດທ້າຍທີ່ໄດ້ກິນ

ຕ້ອງດື່ມກາເຟຫຼາຍປານໃດຈຶ່ງເພີ່ມຄວາມສ່ຽງເກີດ #Caffeine-withdrawal-Headache ?

▸ ຄົນທີ່ດື່ມກາເຟເປັນປະຈຳໂດຍສະເພາະ ຫຼາຍກວ່າ 238mg ຕໍ່ມື້ ຫຼືປະະມານ 2 ຈອກເຄິ່ງ ຕໍ່ມື້ ຈະມີຄວາມສ່ຽງສູງໃນການເກີດ Caffeine-withdrawal headache ທຽບກັບກຸ່ມທີ່ດື່ມກາເຟພຽງມື້ລະຈອກ ຫຼື ດົນດົນດື່ມເທື່ອ, ນອກຈາກນີ້ທ່ານທີ່ດື່ມກາເຟເກີນມື້ລະ 2 ຈອກ ໂອກາດໃນການຕອບສະໜອງຕໍ່ຢາແກ້ປວດໄມເຄຣນກໍຍັງຫຼຸດລົງອີກ

ຈະແຂ້ໄຂອາການເຈັບຫົວຈາກ Caffein Withdrawal Headache ໄດ້ແນວໃດ

▸ ການແກ້ໄຂກໍຄືໃຫ້ທົດລອງຄ່ອຍໆຫຼຸດຜ່ອນປະລິມານກາເຟລົງເທື່ອລະເຄິ່ງ ຍົກຕົວຢ່າງຖ້າເຄີຍກິນມື້ລະ 2 ຈອກ ໃຫ້ລົດລົງເຫຼືອມື້ລະຈອກ ຈາກເຄີຍກິນທຸກວັນ ໃຫ້ຫຼຸດລົງເປັນ 3–4 ວັນຕໍ່ອາທິດ ບໍ່ຄວນເກີນ 4 ວັນຕໍ່ອາທິດ

……

ສະຫຼຸບແລ້ວ ການດື່ມກາເຟນັ້ນ ເປັນປັດໃຈໜຶ່ງທີ່ເຮັດການເຈັບຫົວຊຳເຮື້ອໄດ້, ອາການ Caffein-withdrwal Headache ສາມາດເກີດໄດ້ໃນຄົນທີດື່ມກາເຟ ໂດຍສະເລ່ຍ ຫຼາຍກວ່າ 2 ຈອກຕໍ່ມື້, ການແກ້ໄຂອາການດັ່ງກ່າວຄື ຕ້ອງຄ່ອຍໆຖອຍຫ່າງອອກໂດຍການຫຼຸດປະລິມານການດື່ມລົງ ແລະ ບໍ່ຄວນດື່ມເກີນ 4 ມື້ຕໍ່ອາທິດ.

Credit https://www.youtube.com/watch?v=DUzXI9AfAqM✺✺▸▸

FB Page: TAKE CARE — ເພາະໝໍເປັນຫ່ວງ