12月第1週︰新片上映

1.《你好,之華》(Last Letter)

導演︰岩井俊二

演員︰周迅、張子楓、秦昊

簡介︰妹妹代替離世的姐姐參加同學會,遇到年少時的傾慕對象,開始寄出沒有回郵地址的信,訴說心聲。另一邊廂,傾慕對象回信給姐姐舊居,姐姐女兒代替母親回信,三人互相傾訴追憶,揭開三代人的糾纏。

亮點︰齋睇故事簡介已經好日系,岩井俊二執導,呼應舊作《情書》,可謂文青之選。電影獲金馬獎多項提名,當然包括女主角周迅。

憂慮︰未知日本導演岩井俊二能否 handle 大陸的人事背景?光看預告片,不覺得周迅能有什麼發揮。另外有冇人覺得周迅好似變咗樣?有幅 poster 我覺得佢好似「有樓有高潮」個高潮女。LOL

期待度︰★★★★★

2.《比悲傷更悲傷的故事》(More Than Blue)

導演︰林孝謙

演員︰劉以豪、陳意涵

簡介︰一男一女相愛相依,卻因男方不定時復發的疾病,讓他不敢許下承諾。為了讓女孩擁抱幸福,他決定隱瞞病情,並擅自幫她尋覓託付終生的對象。

亮點︰改編自2009年的韓國同名電影,票房好像超越了韓國原版。本片的攝影指導是香港的關本良。

憂慮︰好耐冇睇過呢類虐心催淚愛情片,好想重拾以前睇韓劇喊苦喊忽嘅情懷,不過韓國原版是權相佑和李寶英,高班好多喎!劉以豪的鬈髮有點難看,我個人也不太喜歡陳意涵,覺得佢把聲勁尖,懶 cute 咁。(定個個台妹都係咁?)

期待度︰★★☆☆☆

3.《箭神.第一戰》(Robin Hood)

導演︰Otto Bathurst

演員︰Taron Edgerton、Jamie Foxx、Ben Mendelshon、Eve Hewson、Tim Minchin、Jamie Dornan

簡介︰俠盜征戰多年後回家,發現家鄉盡毀,罪魁禍首正是貪污瀆職的郡長,於是成立地下軍,對抗暴政,拯救萬民。

亮點︰家喻戶曉的羅賓漢故究前傳,《皇家特工》(Kingsman) 的 Taron Edgerton 主演,靚仔同大隻咗好多喎,適合觀眾入場 J。

憂慮︰影評只有17分,票房慘淡,是本年度的 box office bomb。

期待度︰☆☆☆☆☆

4.《紅衣小女孩外傳︰人面魚》(The Devil Fish)

導演︰莊絢維

演員︰徐若瑄、鄭人碩

簡介︰離奇事件接二連三出現,鋼琴家亦告中招,於是請來武功高強的黑虎將軍降伏人面魚。

亮點︰《紅衣小女孩》系列長做長有,而且集集都有知名台灣演員出演,似乎幾高質。今次有為港人熟悉的徐若瑄,以及曾獲金馬提名的鄭人碩。

憂慮︰可惜我細膽唔睇恐怖片,如果唔係我都幾有興趣。

期待度︰不適用

5.《伊朗三面戲劇人生》(3 Faces)

導演︰Jafar Panahi

演員︰Behnaz Jafari、Jafar Panahi

簡介︰女星收到一名年輕土耳其女孩的求救影片,希望逃離保守家庭,遂與導演動身尋找女孩,揭示民族、性別、宗教的不公平,以及社會的貧困。

亮點︰伊朗導演 Jafar Panahi 再次破禁拍電影,以偽紀錄片的形式,向壓逼強權說不,榮獲康城影展最佳劇本。

憂慮︰題材小眾,不合主流口味,我看了預告片,也有點 confused,不肯定應否嘗試一看。

期待度︰★☆☆☆☆

6.《胡桃夾子》(The Nutcrackers and the Four Realms)

導演︰Lasse Hallström、Joe Johnston

演員︰Mackenzie Foy、Keira Knightley、Helen Mirren、Morgan Freeman

簡介︰女孩得到魔法鑰匙,闖入神秘國度,展開難忘旅程。這時她發現第四國度的主宰為了成為四國的統治者,不斷發動戰爭,於是決心拯救國度。

亮點︰有我由細睇到佢大,但今年依然只係33歲嘅 Keira Knightley 呀!仲有現時73歲但依然火辣嫵媚嘅 Helen Mirren。

憂慮︰睇個 poster 都知道唔啱我呢啲冇童真嘅人睇(利申︰睇《美女與野獸》(Beauty and the Beast) 睇到嬲,唔明點解啲茶壺茶杯會講嘢)。

期待度︰☆☆☆☆☆

7.《旅貓日記》(The Travelling Cat Chronicles)

導演︰三木康一郎

演員︰福士蒼汰、高畑充希(聲)、廣瀨愛麗絲、竹內結子

簡介︰不信任人類的流浪貓,對溫柔青年漸生好感,二人成為彼此的家人。一次,青年不得不把貓咪送走,在送別的旅途上,貓咪刻意發難,令青年無計可施,只好帶着貓咪探訪阿姨(關咩事其實?)……

亮點︰電影似乎用貓做第一視角,描寫人貓感情,適合貓奴觀眾。

憂慮︰又係啲懶感人嘅動物片?Oh no! 福士蒼汰演技爛透。

期待度︰☆☆☆☆☆