一步一步教你點樣從 MyEtherWallet (MEW) 錢包轉錢給其他人

經過上一篇文章，大家都應該擁有一個屬於自己既錢包。呢一篇文章就會繼續，同大家介紹點樣轉錢，亦都會解答大家一啲關於轉錢常見既問題。

好，事不宜遲，我地又返去 myetherwallet.com

選好檔案，再輸入密碼

㨂好左你係建立錢包時候所下載既keystore file，輸入密碼，按下Unlock。你就會被帶到黎準備轉帳頁。

首先，我地可以係呢頁既右手面，睇到自己錢包既地址同餘額。

查看自己錢包的資料

然後，係左手邊就係真正輸入轉錢既地方。呢度，你要首先知道收款人既錢包地址 (0x 開頭)

輸入收款人錢包地址及轉帳金額

設定好收款人同轉帳金額之後，就可以按最低藍色按鈕，然後就會出現呢個Signed Transaction 俾你確認

按下確認

最後禁 Send Transaction，佢就會彈出 最後一次 既確認畫面

最後確認畫面﹗小心看清楚﹗

呢一次係你最後可以確認收款人地址同金額既機會，所以記住要好好檢查啊﹗係確認一切妥當之後，就可以禁右下角，藍色按鈕，確認轉帳了﹗

係按下按鈕後，網頁底部就會出現呢個訊息

恭喜你﹗你已經成功遞交你既轉帳申請去 Blockchain﹗一旦提交左，而又被Blockchain 接納的話，就基本上不可更改／取消了。

你可以禁入去 Verify Transaction 個掣，網頁會帶你去到 Etherscan.io，亦即係俾你查閱 Blockchain 上面所有交易既地方。

Etherscan 是讓公眾查看 Blockchain 上的所有交易。這𥚃匯款已被確認。

用 ETH 黎轉錢，係相當快而且便宜。係適當設置下，一般情況手續費唔洗港幣1毫子。有左 Eth，大家就可以試下自己保管自己既錢，然後轉錢唔洗再經銀行，自己做﹗

FAQ:

Q: 什麼是 Gas Limit? Gas Price?

A: 係計算 ETH Transaction fee，Gas 就係你係交易中用到既交易費。

如果以每宗 ETH transaction 就好似揸車出街咁做個比喻，Gas Limit 其實就好似你揸架車既油缸大小，而 Gas Price 就係每公升油既價錢。所以一程車入面最多能夠消耗既油錢，就係你油缸既大小 * 油價了。咁係咪一定用得晒成缸油呢？未必，要行左先知。如果行行下無油，架車就會中途跪低，去唔到目的地了。

同道理，係 ETH 既 transaction/ Smart Contract ，Gas Limit * Gas Price 得出黎既只係理論上既最大值。有時候，你會未用晒啲 Gas 就已經完成交易。亦有機會，係用晒你既 Gas 都仲未完成到交易。呢個情況就係 Out of gas，交易申請會被退回，但係油錢就會先行扣除。

一舨 Gas Price 既單位係 Gwei ，1 Gwei = 0.000000001 Ether。越高既Gas Price 會令到礦工有更多誘因去先處理你既交易申請，所以如果你想好快就交易到，係可以通過調較 Gas price 去達到目的。咁如果你唔介意速度，只係想係最平既情況下，確保 5–10 分鐘內完成，其實設到 2 Gwei 就可以。有網友就整左 ethgasstaiton 去幫大家估算最平既Gas Price 應該係幾多。

— — — — — — — — — — —

Q: 交易手續費係收邊一方？定兩邊都收？

A: 係兩邊都收。所以係匯款前，匯款者錢包要有足夠既 Eth 去支付手續費，然後才可申請匯出款項。同樣地，收款者錢包會收到指定金額減去手續費的Eth。

— — — — — — — — — — —
www.myethshop.com
MyEthShop — 能夠用港幣入數，買ETH 既加密貨幣找換店