三個理由說服你投資以太幣 (ETH)
同好多朋友傾開，發現大眾對以太幣既認識一般只限於佢係網上既貨幣一種，同遊戲點數／淘寶充值一樣。我嘗試用以太幣三個特點，1. 罕有，2. 去銀行化，3. 應用廣泛，去說服大家由今日起，開始投資呢種新興資產類別。
1. 罕有
物以罕為貴，供應係決定資產價值既最重要因素。其實大家手上既銀紙同股票既價值，係好大程度上係受到發行者(政府／上市公司)既控制，所以往往隨著佢地不受控地增加供應，大家手上既購買力都會隨之而蒸發。遠既例子有大家係歷史堂學到不同朝代濫發鈔票，而引發既惡性通漲，民不聊生。近既有美國係金融危機實施量化寬鬆，香港樓價隨即係錢太多既情況之下，幾何級數上升。呢啲都說明左，大家手頭上揸住既貨幣既價值／購買力係同供應量有住好密切既反比關係。
而加密貨幣既供應係受控而且選擇權係你手上。加密貨幣背後係一套軟件程式去運行，而貨幣既發行增長全部都係由程式控制。當然發行者可以隨情況去修改程式，從而增加／減少發行量，但係由於去中介化既特質，用戶可以通過硬分叉(Hard Fork) 去選擇另立門戶，而唔接受呢一個改動。貼地既比喻係，當美國決定量化寬鬆既時候，大家決定唔用佢新印既銀紙，用返舊既銀紙，去維持返整體供應量，保存大家手上既購買力。
你可能會問咁都得？得，因為係加密貨幣既世界，你自己就係自己既銀行 (Be your own bank)。唔會有銀行迫你用新印既銀紙，亦都無央行去逼你只準用佢發行既貨幣。恰恰相反，加密貨幣世界入面係百家爭鳴，永遠以用家角度出發，從而吸引用戶去使用。而當有改動係違反你既利益既時候，用戶永遠有權去唾棄現有既發行商，另立門戶，而 Ethereum Classic 同 Bitcoin Cash 就係箇中既例子了。
所以，持有加密貨幣其實係確保手上購買力不會被稀釋既非常好既方法。兩個字，保值。
2. 去銀行化，自己錢自己管
係傳統既金融貨幣世界，銀行係扮演住中間人角式，不斷向用戶索取各式費用。由於現金不易儲存同轉移，銀行就應運而生，扮演住一個中間人角色，幫大家保管金錢同處理轉帳。但正正因為呢個中間人不可或缺，就衍生左好多係用戶身上既要求同收費，例如存款戶口要有最低結餘，海外電匯需要收手續費同冗長既處理時間。另外，銀行職員監守自盗，系統出錯等屢有發生既事件，都會令你託管係佢度既錢蒙受損失。如果一個唔好彩，銀行決定凍結你戶口入面既資產又或者執笠(雷曼事件)，你係完全没有反抗既能力，大家存係入面既錢都係冷過水。
係加密貨幣既世界入面，你就係你自己既銀行。呢度無最低存款額，亦唔需要去銀行分行排隊，你部手機／電腦上到網就得啦﹗呢度唔會有人監守自盗，亦唔會有人可以凍結你戶口。總之寫左係區域鏈(Blockchain)上面既錢，除左你之外，無人可以掂到郁到，連大銀行／政府都無辦法。另外，無論你轉帳去海外定本地，金額大與小，手續費都可以低至港幣一毫子，仲要係五分鐘內完成。
最後，加密貨幣本身就有去中介化既特質，所以只要有網路，佢就會存在。除非互聯網遭到全面關閉，否則好難會發生執笠倒閉既情況。如果真係發生咁既事，相信大家手上既銀紙都同樣會變成廢紙一張。
只要好好看管你加密貨幣錢包既鎖匙，放係區域鏈既錢係絕對安全過放係傳統銀行的。
3. 以太幣(ETH/ Ether) 應用廣泛
以上提到既兩點，發行量不易增加同去銀行化，其實大部分既加密貨幣都有，咁點解係芸芸咁多隻加密貨幣入面，最值得投資既係以太幣 (Ether) 呢？主要就係因為以太幣有好多唔同既應用。
同比特幣(Bitcoin)唔同，以太幣除左可以作為貨幣之外，佢其實主要係支援以太坊(Ethereum) 技術去運行智能合約背後既燃料。對大部分讀者黎講，以太坊同智能合約可能係好陌生既名詞，我就唔係呢度同大家解釋了。但係如果用大家熟悉既事物做比喻的話，Ethereum 就好似大家手上既智能電話，而手機入面可以運行唔同既 App，亦即係智能合約。而以太幣 (Ether) 就係手機電池入面儲住既電，一旦無電，手機就會熄機，而用家就用唔到手機入面既 App 了。
手機與以太坊Ethereum 類比
手機 (運行App 既平台) ← → 以太坊 Ethereum (運行智能合約既平台)
App 手機程式 ← → Dapp 智能合約
電 (無電，手機會熄機)← → 以太幣(無以太幣，以太坊不能運作)
換句話講，以太幣並唔係純貨幣咁簡單，佢係作為燃料去推動以太坊(Ethereum) 既智能合約運作。所以亦有人都話比特幣係加密貨幣世界既黃金(只能保值，無實質應用)，而以太幣就係石油（既保值，又有實質應用)。
以太幣推動既以太坊(Ethereum)係暫時加密貨幣世界入面，最多程式員關注同開發相關應用程式既地方。情況就好似iPhone 之所以值錢，係因為佢擁有最多既開發人員幫佢寫 app 。而有應用就會吸引到用家去使用，更多既用家又會吸引更多程式員撰寫更多應用。 呢個網路效應會令以太坊呢個平台係芸芸眾多加密貨幣中脫穎而出，而背後既以太幣自然水漲船高，潛力無限。
總結
以太幣係供應有限，需求無限，而且擁有權牢牢地握係自己手上既資產。加上儲存容易，轉移迅速，技術發展一日千里，大家都不妨考慮將少量自己既資產買入以太幣作投資用。
— — — — — — — — — — —
www.myethshop.com
MyEthShop — 能夠用港幣入數，買ETH 既加密貨幣找換店
