Nakakuha ng pinakamaraming boto sa mga Validator ang upgrade ng Oasis Network na Damask

Disclaimer: Ang paglalathala na ito ay pagsasalin na ginawa ng Ambassador ng Oasis. Mahigpit na pagsusuri ang ginawa para makapagbigay ng tamang pagsasalin, ngunit maaaring magkamali at magkulang. Hindi mananagot ang Oasis sa kawastuhan at kahusayan nito. Basahin ang orihinal na artikulo dito.

Nagagalak naming ipahayag na ang pag upgrade na iminungkahi namin ay nakakuha ng mataas na boto sa pamamahala mula sa mga operator ng node, higit sa walongpu’t walong porsiyentong validator ang bumoto. Sinundan ng malawakang pagsuri, sa loob mismo at sa Testnet, at maliban sa anumang mga bagong problema, ang upgrade na ito sa ecosystem ng Oasis ay magpapatuloy sa ika labing isa ng Abril taong kasalukuyan. Ang pag upgrade ay simbolo ng mahalagang tagumpay sa Oasis Network, tinawag na Damask, dahil ito ay magiging pundasyon sa pagbukas ng buong kakayahan ng network.

Mga kahalagahan sa Damask upgrade

Ang Damask ay magbibigay ng maraming pagpapabuti, kasama ang pinahigpit na seguridad at paggawa, pinatibay na mekanismo ng pamamahala at iba pang desentralisasyon. At bilang bahagi ng 22.1x release series ng Oasis Core ang lahat ng tampok sa upgrade na ito ay isasakatuparan, ito ay ang paglabas ng consensus protocol.

Ang saklaw sa pinakamahalagang tampok ng Damask ay:

• Maging mas mahusay at scalable ang random beacon sa pamamagitan ng paglipat ng tuntunin ng pagpili sa isang nakabatay sa cryptographic sortition ng mga output sa Verifiable Random Function (VRF).
• Pinadali sa pinag iisang parameter ng threshold ng stake ang on-chain na pamamahala.
• Sa pamamagitan ng pagpapasimple ng protocol ang paggawa ng ParaTime ay napabuti (pinagsama sa iisang komite ang tagapagpatupad at komite ng imbakan), na makapagpadali din ng pagsasaayos ng mga node ng ParaTime.
• Ang mga upgrade ng ParaTime ay mangyayari nang walang downtime sa pagkakaroon ng mga upgrade at mga pagbabago ng maayos ng descriptor bago ang pag upgrade.
• Pinahusay ang nakabalot ng ParaTime sa pagpapakilala ng pinag-isang mga bundle ng runtime sa lahat ng sinusuportahang uri ng TEE at pagpapakilala para ang pagbuo ng ParaTime ay dadaan lang sa bundle file ng runtime.
• Pinahusay ang ugnayan ng Consensus at ParaTime sa pamamagitan ng suporta sa mga paparating na mga mensahe ng runtime na maaaring pasiglahin ng mga transaksyon sa consensus layer sa loob ng mga ParaTime, at ang suporta na idinagdag sa mga mensahe ng runtime ay nagpalawig ng mga resulta sa mga nailabas na mga mensahe ng runtime na may mahalagang impormasyon sa kabila ng pagsasaad kung matagumpay o hindi ang pagpapadala ng mensahe.
• Tataas mula isandaan at sampu hanggang isandaan at dalawangpu ang pool ng validator, tutulong sa lalong pagpapatibay ng Consensus Layer ng Oasis habang ang desentralisasyon ay tumataas.

Ano ang nasa likod ng pangalan?

Pinagbotohan ng aming nakakamanghang komunidad ang pagpapangalan para sa pag upgrade ng network, ang piniling tema ay ang kulay ng rosas. Ang mga pangalan ay nakasunod din sa alpabeto. Ang tawag sa upgrade noong nakaraan taon ay Cobalt, sa taong ito, nagsisimula sa letrang D ang kailangan naming piliin na pangalan.

Napili namin ang Damask. Amoy matamis na rosas na may pink o light red velvety ang mga talutot ng Damask Rose at kagandahan at pagmamahal ang sinisimbolo. Kinuha at iningatan ang amoy nito sa isang tubig ng rosas sa isang pamamaraan na maaaring mahanap sa sinaunang panahon sa Gitnang Silangan at kalaunan sa pinakamalaking kontinente ng India.

Mga Detalye sa upgrade

Ang upgrade na Damask ay nakatakdang gaganapin sa Lunes ika labing isa ng Abril taong dalawangpu at dalawangpu’t dalawa sa ika lima ng hapon.

Ang mga detalyadong direksyon sa pag upgrade ay ibibigay namin dito sa susunod na mga araw.