Gusto Ka Naming Isama
Pinipilit mong mga hakot at bayaran ang mga libo-libong dumadalo sa mga bayang pinupuntahan ni Leni kasi binabasag nito ang iyong paniniwala na walang matinong tao ang susuporta sa isang “bobo, puppet, kabit, at walang nagawa.”
Pero bakit…gan’to ang iyong nakikita?
Patuloy na dumadagsa ang mga tao, at sa bawat pagdagdag ng numero, unti-unti mong napagtatanto na baka fake news lahat ng pinaniniwalaan mo.
At dahil mas masakit aminin na ika’y nagpaloko, ika’y magiimbento na lang ng kwento. Walang ebidensya. Sabi nito, sabi nya. Basta.
Pero maghanda kang makakita ng mas maraming lamat sapagkat patuloy naming yayanigin, bubuwagin, at bibiakin ang kweba ng kasinungalinang iyong kinalalagyan. At mula sa madilim na ilalim, patuloy ka naming aabutin, hihikayatin na bigyang pansin kung bakit nga ba iisa ang dagundong ng mga libo-libong Pilipinong naglalayong iluklok si Pangulong Robredo sa pwesto.
Kaya kami narito. Tumitindig, kapit-bisig sa harap nyo. At walang pagaalinlangang ipapakita ang lakas ng aming boto. At kahit anong paninira at panloloko ang ibato…laging mananaig ang taong nakakapit sa kung ano ang totoo.
Makikita mo. Sa darating na Mayo, maipapanalo natin ‘to.
Pero…
Naka-depende na ‘yun sayo.
