MABUHAY, MGA MODERNONG BAYANI!
A tribute to all frontliners this National Heroes’ Day
Hindi man ako kilala at magaling na makata
Ngunit taos-puso kong ikinatha itong tula
Na mga modernong bayani ang paksa
Sapagkat taos-puso rin ang aking pasasalamat
Na nararapat malaman ng lahat
Sa mga doktor, nurses, health personnels, at iba pang medical staff
Salamat sa pagiging matatag,
Buhay at kalusugan nyo’y walang kasiguraduhan
Pero kayo’y naging mapursigi at matapang
Upang mapagaling lahat ng nadapuan
Hindi alintana ang pagod, puyat, at pangungulila
Para matapos lang itong pandemya
At maligtas sa kamatayan ang masa.
Lahat ng mga scientists at mananaliksik
Akala mo lang sila’y tahimik o walang imik
Ngunit talino’y kanilang ginagamit
Upang bakuna’y makamit,
Matalo virus na nagdudulot ng sakit.
Pati pulis, mga militar, at guwardya
Sila ang susi para tayo’y maging disiplinado muna
Lalayo rin sa kani-kanilang pamilya
Sapagkat uunahin ang tungkulin sa bayan
Kahit mga pasaway ang karamihan
Pasensya’t pag-iintindi nila’y hinahabaan.
Syempre mga pati mga janitor at basurero
Sa paningin mo man sila’y mababang tao
Kaya ika’y hindi interesado
Ngunit sila’y dapat din bigyan ng saludo at irespeto
Gamit na may virus kanilang lilinisin, itatapon, at liligpitin
Kalinisian at seguridad kaya nilang panatilihin
Upang ito’y di na mapunta sa atin.
Opisyal ng gobyerno pati mga tanod
Ikaw man sa kanila’y hindi sumunod
Ngunit lahat ginagawa nila para batas maitaguyod
Naiinis man sa tigas ng inyong ulo
Pero patuloy na nagbibigay serbisyo
Para Covid cases ng inyong probinsya, syudad, at barangay maging zero.
Journalist at reporter
Marumi’t delikadong lugar ay kanilang sinusuong
Upang makatotohanan, bago at tunay na impormasyon ay maibalita
Virus ay di inaalintana, para ang kalagayan ng mundo ay mapakita.
Isali na rin natin ang mga cashier, manufacturer, donors pati na rin mga sponsors
Dahilan kung bakit tayo may ginagamit at kinakain
Pasalamatan ang kanilang pagkamabuti sa’tin
Sila ay mga biyaya na nagbibigay ng kanilang mga blessings.
At syempre mga contact tracers
Na buong araw sa harap ng laptop o computer
Pipigilan nila pagkalat
Ng virus sa ating lahat
Sa pamamagitan ng paghanap
Ng ibang tao
Na nakasalumuha ng nagpositibo.
At sa lahat na hindi ko pa napasalamatan,
Maraming salamat po sa inyo
Sa pag trabaho ng todo
Lalo na sa sakripisyo upang virus ay masugpo
Ako po sa inyo ay saludo, yan ang totoo
Kaisa kami sa inyo!
Ikaw, ako, tayo
Oo, tayo’y mga simpleng tao
Simpleng tao na may maitulong sa mundo
Upang virus madali nating mapatay, maalis, at matalo.
Kung tunay kang naaawa sa ating mga modernong bayani
Bakit hindi mo gawin ang kaisa-isa nilang bilin?
Ang kaisa-isa nilang hinihiling.
Na sana, na sana ay inyong sundin.
Iyon ay manatili ka sa iyong tahanan
‘Wag lumabas kung ‘di naman kailangan.
Saludo ka nga sa kanila pero bakit?
Bakit wala lang sa’yo ang iniinda nilang hirap at sakit?
Bakit? Bakit?
Tama na muna ang pagsabong
Tama na muna ang inuman
Tama na muna ang pagbingo
At higit sa lahat tama na droga
Magpakita naman tayo ng pasasalamat at respeto
Respeto na nagpapatibay ng kanilang loob at pagkatao
Respeto na kanilang hinihinging sukli
Sa hirap na kanilang iniinda’t kinukubli
Upang patuloy na lumaban para sa bayan
At makamtam ang ating inaasam na kalayaan
Mula sa kalaban ng sangkatauhan
Ang Coronavirus na dulot ay sakit at kamatayan.
This article is published by Pluma Manila, a Creative Platform for Everything Filipino. If you’re Filipino or Pinoy at heart, Be part of our team and share your craft with us. Maraming Salamat!
Write for us! Send us an Email: plumamanila@gmail.com
