Namamalikmata
Published in
1 min readOct 5, 2020
Ihinehele ako ng mga huni ng kuliglig,
nanonood ang buwan at mga bituin,
nahihimbing sa tabi ko ang pamilya;
Kumikinang sa durungawan ang gaan ng gabi.
Ninanakaw ng ganitong sandali
ang bigat ng araw-araw
at minsan gusto kong isuko sa kanya
itong natitirang katinuan—
Kaalamang hindi pa rin gising
kapayapaan sa aking bayan.
This article is published by Pluma Manila, a Creative Platform for Everything Filipino. If you’re Filipino or Pinoy at heart, Be part of our team and share your craft with us. Maraming Salamat!
Write for us! Send us an Email: plumamanila@gmail.com
