સંબંધોના સરવાળા

Written by Janak M. Desai

એક વત્તા એકનો
સરવાળો જ્યાં એક જ થાય
ગણિત ત્યાં મૂંઝાય,
સૌ વિદ્વાનો અથડાય,
પણ સંબંધો !!
સઘળાય હરખાય
ગાંઠો,
ગાંઠો તો આદતથી ગૂંચવાય,
સંબંધોના પંથે સૌ ફાંટાઓ પથરાય ;
પણ !!
સંબંધોના સરવાળામાં,
ઈચ્છા એવી થાય …
કે એક વત્તા એકનો
સરવાળો એક જ થાય.
વિશ્વાસ વર્તાય, કારણો કરમાય
લાગણીઓ બંધાય,
પારકાં પોતીકા થાય
કેટલુંય ના સમજાય
તોય
નાદ અંતરનો મધુર ગીતો ગાય.
…જનક