Weeknote: Pag-lista at pag-bantay sa mga revision
Weeknote #3 (Tagalog*): Revision-tracking.
You can read this post in English here.
Katuloy ng story tungkol sa user…stories.
Natutunan namin ngayong linggo ang matinding pangangailangan para sa revision log.
Lalo na kapag ang production team niyo ay walang official na project manager. Sa lahat ng mga dati naming trabaho, may mga assigned na project manager sa mga team namin — sila ang taga-monitor ng features, taga-asikaso sa Quality Assurance at pagbantay na lahat ng tao ay sumusunod sa timeline.
Sa mga lightweight* na project teams, normal na walang nakatalagang “project manager”, at nakasalalay na sa disiplina at proseso ng team para mamamahala sa mga mangyayari sa product.
*Ang ibig ko lang sabihin dito ng “lightweight” ay lean o“batak”: Mga team na hindi marami ang miyembro, so mas kailangan mag-“double-body” — kunwari meron lang namamahala sa tech at pag-code, tapos meron namamahala sa design, tapos meron din iba para naman sa copy, operations at strategy
Parang pag-exercise ang paggawa ng documentation — nakakapagod, may partikular na klase ng tao lang na naaaliw sa kaniya, at di mo siya madalas gawin unless,
a) kailangan na dahil ang sama na talaga ng sitwasyon o
b) po-pogi ka ng sobra ‘pag ginawa mo ‘yun.
Para sa bawat team na gumagawa ng tracking o documentation ng projects nila, mahalaga lang talaga na — kesyo feature list, pattern lab or style guide pa yan — kailangan madaling makita, approachable o madaling kilalanin ng iba-ibang klase ng trabaho, at bahagi ng workflow.
Hindi ‘to saktong tungkol sa revision-tracking. Pero magandang overview tungkol sa paano nakakatulong ang documentation sa global start-up teams, gamit ang mga tunay na example ng documentation nila.
Ang mga alam namin tungkol sa trabaho ay hindi lang nanggaling sa college degree, sa projects, boss at katrabaho — pero pati sa mga designer, developer, researcher, product manager at team na piniling i-bahagi at ipakita ang proseso at natutunan nila (ng libre) sa Youtube, blogs, websites, tutorials at MOOC (Massive Online Open Courses). Ito ang spirit ng “designing in the open”. Kung saan bukas na kinukwento ang mga proseso at output ng isang design team. Para lalong mapalago ang kaalaman ng buong industriya, pati na rin para makakuha ng feedback at dialogue tungkol sa trabaho.
(Para lalong maintindihan ang halaga at kagandahan ng open design, pwede niyong basahin ‘to.)
Dito sa weeknotes namin kinukwento ang mga nararanasan namin sa trabaho linggo-linggo. Bilang paggalang sa mga kliyente namin, hindi namin sila pinangangalanan o binabanggit. Lahat ng mga sinusulat namin dito ay isip at opinyon ng nagsulat.
Kung gusto niyo pa kaming samahan sa mga napapagdaanan namin linggo-linggo, sundan niyo kami dito sa Medium, Facebook o LinkedIn.Sali din kayo sa buwan-buwan namin na e-mail newsletter, para sa mga link at article na nakita naming useful sa trabaho at project.
