Pasientlərin həkim və mütəxəssislər haqqında ən əsas 5 şikayəti
1. Gözləmə otağında uzun müddət müayinə olunmağı gözləmək
Bu analiz, xidmətin növünü əhatə etmir (özəl&sosial xidmət). Bu səbəbdən, iş şəraitindən asılı olaraq bu rəylər ümumilikdə sosial sağlamlıq sahəsindəki həkimlər və mütəxəssislərə edilir. Bu şəxslərin gözləmə müddətləri ilə bağlı edəcəkləri bir şey olmamağına baxmayaraq özəl şirkətlərdə xidmət verən həkim/mütəxəssislər üçün bir şans var. Sizi gözləyən pasientləri mümkün qədər məlumatlandırmağınız vacibdir. Ümumiyyətlə, görüş saatları tam olaraq şəxsə görə müəyyənləşir. Fəqət bir əvvəlki pasientin işi hərhansı bir səbəbdən uzun çəkə bilər. Belə vəziyyətlərdə gözləyən pasient və müştərilərinizi məlumatlandırmağa çalışın. Nə qədər gözləyəcəklərini köməkçiniz vasitəsilə bildirə və narazılıqlarını aradan qaldıra bilərsiniz.
2. Pasient və ya müştərini diqqətlə dinləməmək
Adətən bir həkim və ya mütəxəssisin bir pasient/müştərini ortalama dinləmə müddəti 15 dəqiqədir. Amerikada bu müddətin ortalama 45 dəqiqə olduğunu düşünsək, 15 dəqiqə olduqca qısa bir müddət olaraq dəyərləndirilə bilər. Bəzən 15 dəqiqənin kifayətsiz olduğu vəziyyətlər də olur. Buna görə də, pasient/müştərilərin onlara diqqət yetirilmədiyini hiss etməsini “təbii” hal kimi qəbul edə bilərik. Əgər bu pasient və ya müştəri sizi dəyərləndirməyi və haqqınızda şərh yazmağı düşünəcəksə bu vəziyyəti nəzərinizdə tutmalısınız. Bu səbəbdən, pasient və müştəri ilə mümkün olduqca daha çox maraqlanmağa çalışın və onları dinləyin. Zamanın sizlər üçün olduqca əhəmiyyətli olmasına paralel istiqamətdə səmərəlilik də əhəmiyyətli olmalıdır. Bəzi vəziyyətlərdə pasient və ya müştəri sizə şikayətindən bəhs edərkən siz, peşəkarlığınız və təcrübənizə əsasən növbəti cümlələrini təxmin edə bilərsiniz. Fəqət qarşınızdakı insanın dinlənildiyini hiss etməsi kommunikasiyanı inkişaf etdirdiyi kimi güvən duyğusunu da formalaşdırır.
3. Pasient və müştərinin unudulması
Həkim/Mütəxəssis-in payına düşən pasient/müştəri sayının bu qədər çox olduğu ölkəmizdə hər bir insanın xatırlanması o qədər də asan deyil. Pasient və müştərilərinizin bütün məlumatlarını masanızda saxlamağınız da mümkün deyil. Belə bir vəziyyətdə onlayn təqviminizə şəxsin nə üçün gəldiyi, daha əvvəl hansı müalicələri qəbul etdiyi kimi qeydlər apararaq, istər mobil telefondan, istərsə də kompüterinizdən bir tuş ilə pasient/müştəri məlumatlarına baxa bilərsiniz. Beləcə, həm siz, həm də pasient və müştəri zaman qazanar, təkrara düşməz və məhsuldarlığınızı artırarsınız.
Bunun üçün Doctonline-dən yararlana bilərsiniz.
4. Həkim/Mütəxəssisin pasient/müştəri ilə kommunikasiyası
Pasient və müştərilər, həkim və mütəxəssislərdən biraz anlayış və empatiya gözləyir. Məlumdur ki, bir həkim/mütəxəssis üçün mütəmadi pasient/müştəri görmək normal olsa da, pasient və müştərinin həkim/mütəxəssisi ilk dəfə görmə ehtimalı olduqca yüksəkdir. Bu səbəbdən, ilk kommunikasiyada pasient və müştərilər hər zaman özünü güvənli hiss etmək istəyirlər. Pasient və müştəriyə sizinlə kommunikasiya qura bildiyini hiss etdirmək iki tərəf üçün də daha yaxşı olacaqdır. Klinikaya gəldiyində və ya sonrasında, əl tutuşma, təbəssüm, təşəkkür və ya bir dəyərləndirmə istəmək inam duyğusunu gücləndirən və əlaqə qura bildiyinizi hiss etdirən göstəricilərdir.
5. Verilən dərmanı və ya edilən müalicəni faydalı hesab etməmək
Heç kəs mükəmməl deyil. Bu tərz bir şərhi gözardı etməyin. Həkim/mütəxəssis səhvləri də ola bilər. Bizim həkim və mütəxəssislərimizlə olan söhbətlərimizdən öyrəndiyimiz qədər ilə pasient və müştərilər dərman istifadəsinə başlayan kimi təsir etməsini gözləyir və əks təsirlərini də görməzdən gələ bilirlər. Bu səbəbdən, pasientə və ya müştəriyə dərman yazanda tərkibi haqqında detallı məlumat verin. Pasient və müştəri ilə müalicə müddəti ərzində əlaqədə olursunuzsa, müalicənin necə irəlilədiyini soruşun. Bu da bizi dolayı yolla bir əvvəlki başlığa: kommunikasiya qurmağın nə qədər əhəmiyyətli olduğu məsələsinə aparır.
Kommunikasiya, kommunikasiya, kommunikasiya…
Yuxarıdakı siyahıdan da görüldüyü kimi pasient və müştərilər tərəfindən gələn şikayətlər, müalicə yetərsizliyi və uğursuzluğundan deyil, tamamilə kommunikasiya əskikliyindən qaynaqlanır. Bu səbəbdən kommunikasiya məsələsində biraz daha həssas olmaq, həm qısa, həm də uzun müddətdə müsbət nəticələr doğuracaqdır.
Müştərilərlə kommunikasiyanın rahat yolu üçün Doctonline xidmətlərindən faydalana bilərsiniz.
Əlaqə üçün: https://www.doctonline.az
