Product-Market Fit ဖြစ်စေဖို့
Product-Market Fit က Startup တွေ၊ Product ကို Focus လုပ်တဲ့ Organization တွေမှာ အသုံးများတဲ့ Concept တစ်ခုပါ။ Product-Market Fit ဖြစ်ခြင်းဆိုတာ ဘယ်လိုအခြေအနေလဲ နဲ့ ဘာကြောင့် Product တစ်ခု Business တစ်ခုအတွက် ရေရှည်တည်တံ့အောင်မြင်ဖို့မှာ Product-Market Fit ဖြစ်ခြင်းက အလွန်အရေးပါလဲဆိုတာ ဝေမျှလိုပါတယ်။
များသောအားဖြင့် Digital Product နဲ့ပတ်သက်တဲ့ Entrepreneurs တွေက Idea ကောင်းတွေနဲ့ နည်းပညာမြင့်တွေကို အာရုံစိုက် အချိန်ပေးကြပြီး Customer Problems နဲ့ Market Demand ကို လှည့်ကြည့်ဖို မေ့နေတတ်ကြပါတယ်။ Product ထုတ်ပြီး၊ Business Run ပြီး အချိန်တွေတော်တော်လွန်မှ ကိုယ့် Software က နည်းပညာပိုင်းလည်းကောင်းရက်နဲ့ Market မှာ Demand မရှိမှန်း သိလာတာမျိုး ဖြစ်တတ်တာကြောင့်၊ Product နဲ့ Customer ကို Focus လုပ်နိုင်စေဖို့ Product-Market Fit အကြောင်း ရေးရခြင်းဖြစ်ပါတယ်။
Product-Market Fit ဆိုတာ ဘာလဲ?
Product-Market Fit က လိုတိုရှင်းပြောရရင် “Customer တွေရဲ့ လိုအပ်ချက်နဲ့ အံဝင်ခွင်ကျဖြစ်တဲ့ Product တစ်ခုထုတ်လုပ်ခြင်း” ပါ။
ကိုယ့် Product ကပေးတဲ့ Value, Quality, Features တွေကို Customer က သဘောကျတယ်၊ သူတို့အတွက် အသုံးတည့်တယ်ဆိုရင် Product-Market Fit ဖြစ်ဖို့ လမ်းပေါ်ရောက်နေပြီလို့ဆိုနိုင်ပြီး၊ ကိုယ့် Customer တွေက သူတို့ရဲ့ Product နဲ့ ပတ်သက်တဲ့ အတွေ့အကြုံတွေကို ဝေမျှပြီး Product ကို သုံးကြည့်ဖို့ တိုက်တွန်းတဲ့ အခြေအနေ (Word of Mouth Marketing) ကို ရောက်လာပြီဆိုရင် Product-Market Fit ဖြစ်ပြီလို့ ယူဆနိုင်ပါတယ်။
Product-Market Fit ဖြစ်ခြင်းက ဘာလို့အရေးပါတာလဲ?
ဘာလို့ Business တစ်ခုအတွက် Product-Market Fit ဖြစ်ခြင်းက ဘာလို့အရေးပါတာလဲ။ ဘာလို့ Investor တွေက Company ကို Invest လုပ်ဖို့ရာ Product-Market Fit ဖြစ်ခြင်းကို အလေးထားကြတာလဲ။
ဒါက အများကြီး ရှင်းပြဖို့ မလိုအောင် သိသာပါတယ်။ Business တစ်ခု အောင်မြင်ဖို့အတွက်က ကိုယ်ရောင်းတဲ့ Product ကို Demand ရှိမှ၊ ဝယ်တဲ့သူ / သုံးတဲ့သူတွေရှိမှ ဖြစ်မှာပါ။ ဒါကြောင့် Customer လိုအပ်ချက်ကို ကြည့်ရပါတယ်။ Creative ဖြစ်တဲ့ Idea တွေ၊ နည်းပညာအမြင့်တွေကိုပဲ အာရုံစိုက် အချိန်ယူပြီး Product အလန်းကြီးတစ်ခုကို Customer လက်ထဲသွားထည့်လည်း Customer မလိုချင်ရင် အမြတ်ထွက်အောင် ရောင်းရဖို့ မလွယ်ပါဘူး။ မိမိ Product က တကယ်သုံးမယ့် Target Customers တွေရဲ့ လိုအပ်ချက်နဲ့ ကိုက်ညီနေမှ Product-Market Fit ဖြစ်နေမှ အဲဒီ Product က အမြတ်ရပြီး Market ထဲမှာ အောင်အောင်မြင်မြင် ရပ်တည်နိုင်မှာပါ။
Product-Market Fit ဖြစ်လား ဘယ်လိုတိုင်းတာမလဲ?
Product-Market Fit ကို တိုင်းတာတဲ့ နည်းလမ်းရယ်လို့တော့ ပုံသေကားချပ်မရှိပါဘူး။ Customer Research, Market Research တွေပုံမှန်လုပ်ပြီး ကိုယ့် Product က Product-Market Fit ဖြစ်နေလား၊ ဖြစ်ဖို့အလားအလာရှိလား၊ လမ်းလွဲနေလား စသဖြင့် စောင့်ကြည့်တိုင်းတာနိုင်ပါတယ်။ အသုံးပြုကြတဲ့နည်းလမ်းအချို့က -
Quantitative Data အနေနဲ့
- Customer Retention Rate
- Growth rate
- Churn rate စတဲ့ Product ရဲ့ Metrics တွေကို စောင့်ကြည့်တိုင်းတာနိုင်သလို
Qualitative Data အနေနဲ့ Customer Survey တွေကတဆင့်
- Customers တွေက ကိုယ့် Product ကပေးတဲ့ Value တွေ၊ အားသာချက်တွေကို ကောင်းကောင်းသိကြလား
- Customers တွေက Market ထဲမှာရှိတဲ့ တခြားပုံစံတူ Product တွေထပ် ကိုယ့် Product ကို ရွေးချယ်ကြလား
- Customers တွေက ကိုယ့် Product ကို Review ကောင်း၊ Recommend ကောင်းတွေ ပေးကြလား
- ကိုယ့် Product ကို မြန်မြန်ဆန်ဆန်ဝယ်ကြလား၊ Buying Decision ဘယ်လောက်ကြာတတ်လဲ
စတဲ့ အချက်တွေနဲ့ ဆန်းစစ်နိုင်ပါတယ်။
Product-Market Fit ဖြစ်အောင် ဘယ်လိုလုပ်ရမလဲ?
Market ထဲမှာ Customers တွေက ဘာလို့ ကိုယ့် Product (သို့) Service ကို ရွေးချယ်သုံးစွဲရမလဲဆိုတဲ့ ယူဆချက်တွေကို သေချာအောင်လုပ်တာက ကိုယ့် Product အတွက် Product-Market Fit ကို ရှာဖွေခြင်းပဲ ဖြစ်ပါတယ်။
ကျွန်တော်တို့ ကိုယ့် Product က Product-Market Fit ဖြစ်မနေဘူးထင်ရင် ဖြစ်လာဖို့ နည်းလမ်းတွေအများကြီးနဲ့ ကြိုးစားလို့ရပါတယ်။ Business တစ်ခုနဲ့တစ်ခု မတူနိုင်ပါဘူး။ ကိုယ့် Product နဲ့ကိုက်မယ့် Customer Segnemtation ပြန်လုပ်တာ၊ Customer တွေ လိုအပ်မယ့် Feature တွေ၊ Service တွေ Review ပြန်လုပ်တာ၊ Market အသစ်မှာ စမ်းတာ၊ Product အသစ်ပြန်လုပ်တာ… စသဖြင့်ပါ။ Business အောင်မြင်ဖို့ အတွက်ဖြစ်တာကြောင့် ဘယ်နည်းလမ်းမဆို လိုသလို လုပ်ကြည့်ရပါလိမ့်မယ်။
Lean Startup Expert ဖြစ်တဲ့ Dan Olsen ရဲ့ The Lean Product Playbook ဆိုတဲ့ စာအုပ်ထဲမှာတော့ Product-Market Fit ဖြစ်တဲ့ Product တစ်ခု တည်ဆောက်ဖို့ အချက် ၆ ချက်ကို ပြောထားပါတယ်။
- Product အတွက် Target ထားတဲ့ Customer က ဘယ်သူတွေလဲ သတ်မှတ်ပါ။
- Target Customer တွေရဲ့ လိုအပ်ချက်တွေကို စုစည်းပါ။ အခြား Product တွေက မဖြည့်ဆည်းပေးနိုင်တဲ့ လိုအပ်ချက်တွေကို အာရုံစိုက်သင့်ပါတယ်။
- Product က Target Customer ကို ပေးချင်တဲ့ အဓိက Value တွေကို သတ်မှတ်ပါ။ အခြား Product နဲ့ယှဥ်ပြီး ကိုယ့် Product ကို ဘာလို့ရွေးမှာလဲဆိုတဲ့ Differentiation ကိုလည်း အာရုံစိုက်သင့်ပါတယ်။
- Customer တွေရဲ့ လိုအပ်ချက်နဲ့ ကိုယ်ပေးမယ့် Value ပေါ်အခြေခံပြီး MVP (Minimum Viable Product) အတွက် Feature တွေ စတင်သတ်မှတ်ပါ။
- Product အတွက် MVP တစ်ခု တည်ဆောက်ပါ။
- MVP ကို Target Customer တွေနဲ့ စမ်းသပ်ကြည့်ပါ။
Product-Market Fit ဖြစ်အောင် ဘယ်လိုလုပ်ရမလဲကို အတိုချုံးပြောရရင်တော့ Steve Jobs စကားကို Quote လုပ်ပါရစေ။ “Customer ဘက်ကို အရင်ကြည့်ပြီးမှ၊ နည်းပညာကို လိုအပ်သလိုသုံးပြီး Product ကို တည်ဆောက်ရမှာဖြစ်ပါတယ်”။
ရှေ့ကဆောင်းပါးမှာ Business Model Canvas အကြောင်း မိတ်ဆက်ခဲ့ပြီးပါပြီ။ BMC က မိမိ Business / Product အတွက် ရှေ့ဆက်အကောင်အထည်ဖော်ဖို့ Business Model ဆွဲရာမှာ အသုံးပြုပါတယ်။ အခု ဒီဆောင်းပါးမှာ Product-Market Fit နဲ့ ပတ်သက်ပြီး ဝေမျှခဲ့ပါတယ်။ နောက်တစ်ပတ်မှာတော့ Product-Market Fit ဖြစ်ဖို့အတွက် သုံးတဲ့ Value Proposition Canvas ကို ဆက်ရေးသွားပါမယ်။ Value Proposition Canvas က Product-Market Fit ရော၊ Business Model Canvas နဲ့ရော ချိတ်ဆက်နေတာကြောင့်ပါ။ အဲဒါဆိုရင် ဒီသုံးခုကို ချိတ်ဆက်နားလည်ပြီး မိမိ Business အတွက် အသုံးချနိုင်မယ်လို့ ယူဆပါတယ်။
နောက်ထပ် ဖတ်ချင်တဲ့ Topic တွေရှိရင်လည်း ဒီ Google Form ကနေတဆင့် အကြံပေးနိုင်ပါတယ်။ ProductBaze မှ Product သမားအချင်းချင်း idea တွေ၊ knowledge နဲ့ experience တွေ share ဖို့ နွေးနွေးထွေးထွေးဖိတ်ခေါ်ပါတယ်။ ProductBaze အကြောင်း (၁) မိနစ်စာ မိတ်ဆက် post လေးကို ဒီ link မှာ ဖတ်လို့ရပါတယ်။ ProductBaze ကို ဆက်သွယ်ချင်ရင် productbaze@gmail.com သို့ ပေးပို့ ဆက်သွယ်နိုင်ပါတယ်။
