സാനിറ്റൈസർ
Published in
1 min readMay 18, 2020
സാനിറ്റൈസറിൻ്റെ ഗന്ധം
നിന്നെ ഓർമ്മിപ്പിക്കുന്നു..
ആശുപത്രി,
രക്തം,
മരണം,
ചേതനയറ്റ നിൻ്റെയുടൽ…
ഒരു ചുംബനംപോലും ഏറ്റുവാങ്ങാതെ പോയ നിനക്കന്ന് ഇതേ ഗന്ധമായിരുന്നു..
അന്നാണ് ജീവിതത്തിലാദ്യമായ്
സാനിറ്റൈസർ ഉപയോഗിച്ചത്..
പിന്നെ ഇപ്പോഴാണ്…
ആദ്യതുളളി കയ്യിൽ വീണതേ,
ഒരു ഞെട്ടലായിരുന്നു..
പിന്നെ കണ്ണീരായിരുന്നു..
അതെ, ഈ ഗന്ധം നിന്നെ ഓർമ്മിപ്പിക്കുന്നു..
നിന്നെ മാത്രം…