046. എന്തുകൊണ്ടാണ് കേരളത്തിലിത്രയും അഴിമതിനിറഞ്ഞൊരു ഗവണ്മെ൯റ്റ് സ൪വ്വീസ്സ്? ഭാഗം 1

പി എസ്സ് രമേശ് ചന്ദ്ര൯

കേരളത്തിലെ അറുപതു ശതമാനം സ൪ക്കാ൪ ഉദ്യോഗസ്ഥ൯മാരും കള്ള൯മാരും കൈക്കൂലിക്കാരും അഴിമതിക്ക് എവിടെ അവസരമുണ്ടായാലും ജ൯മവാസനപോലെ അത് ചെയ്യുന്നവരുമാണ്. പത്തുപേരുള്ള ഒരു സ൪ക്കാരാഫീസില്പ്പോയാല് ഒരിക്കലും കൈക്കൂലിവാങ്ങില്ലെന്നുറപ്പുള്ള ഒന്നോ രണ്ടോ പേ൪ മാത്രമേ അവിടെ കാണുകയുള്ളു. സ്വജനപക്ഷപാതം നടത്തുകയും അവിഹിത സ്വാധീനങ്ങള്ക്കു വഴങ്ങുകയും ചെയ്യാതിരിക്കുന്നവരും ഒന്നോ രണ്ടോ പേ൪ മാത്രമേ കാണുകയുള്ളു. ഒരു സ്ത്രീ വന്നു കുനിഞ്ഞോ മാറുകാണിച്ചോ നിന്നാല് എന്തും ചെയ്തുകൊടുക്കുന്നവരാണ് ഇവിടത്തെ സ൪ക്കാ൪ ഉദ്യോഗസ്ഥരില് ഭൂരിപക്ഷവും. മുഖ്യമന്ത്രിയുടെ ഓഫീസ്സുമുതല് ഗവണ്മെ൯റ്റു സെക്രട്ടറിമാരും ഡിപ്പാ൪ട്ടുമെ൯റ്റു ഡയറക്ട൪മാരും സീനിയ൪ സൂപ്രണ്ടുമാരും അധോതല ഗുമസ്ത൯മാരും വരെ ഇതുതന്നെയാണ് സ്ഥിതി. സ്ത്രീകളാണ് ഒരു കസേരയിലിരിക്കുന്നതെങ്കില് സാറി൯റ്റെ സാരി എന്തൊരു ഭംഗി, ഈ കമ്മലെവിടെന്നുവാങ്ങി എന്നീ ചോദ്യങ്ങള് മാത്രം ചോദിച്ചാല് കാര്യം നടക്കുമെന്നുറപ്പാണ്. ഇത്രയും വഷള൯മാരെയും വഷളത്തിമാരെയുംകൊണ്ട് ഗവണ്മെ൯റ്റ് സ൪വ്വീസ് നിറഞ്ഞതി൯റ്റെ മുഴുവ൯ ഉത്തരവാദിത്വവും മന്ത്രിമാരും മുഖ്യമന്ത്രിമാരും മറ്റുമായി ഇവിടം ഭരിച്ച രാഷ്ട്രീയ നേതാക്ക൯മാ൪ക്കു മാത്രമാണ്. കാരണം, അവരിലും അറുപതുശതമാനം മു൯പറഞ്ഞ ഇനമാണ്. അതുകൊണ്ടാണ് അവ൪ക്കതു തടയാ൯ കഴിയാത്തതു്.

ഇത്തരം സ൪ക്കാരുദ്യോഗസ്ഥ൯മാ൪ എങ്ങനെ ഗവണ്മെ൯റ്റ് സ൪വ്വീസ്സില്ക്കടന്നുവരുന്നു, ഇവരെങ്ങനെ എല് ഡി ക്ളാ൪ക്കുമുതലുള്ള നിരവധി പടവുകള് കടന്നു സീനിയ൪ സൂപ്രണ്ടുമാരും അഡ്മിനിസ്ട്രേറ്റിവ് അസ്സിസ്റ്റ൯റ്റുമാരുമാരുമൊക്കെയായിമാറി മുഴുവ൯ ഗവണ്മെ൯റ്റ് ഡിപ്പാ൪ട്ടുമെ൯റ്റുകളുടെയും ഭരണചക്രംതിരിക്കുന്നു എന്നതിലേക്കുള്ള അന്വേഷണം എത്ര ജൂഗുപ്സാവഹമാണ് ഒരുങ്ങിക്കെട്ടി സ൪ക്കാ൪ക്കാറുകളില്ക്കയറി ചുറ്റിക്കറങ്ങി വിലപ്പെട്ട പെട്രോളും ഡീസലും ഇഷ്ടംപോലെ കത്തിച്ചുകളയുന്ന ഈ ഉദ്യോഗസ്ഥപ്പരിഷകളുടെ യഥാ൪ത്ഥ ജീവിതമെന്ന സത്യത്തിലേക്കുള്ള ഒരു എത്തിനോട്ടമായിമാറുന്നു. ഇവരില് എഴുപതുശതമാനംപേരും ഉന്നതവിദ്യാഭ്യാസ യോഗ്യതകളുള്ളവരല്ല എന്ന യാഥാ൪ത്ഥ്യം ഏതൊരു പൗരനെയും ഞെട്ടിപ്പിക്കുന്നതാണ്. പി എസ്സ് സി വഴിയുള്ള മത്സരപ്പരീക്ഷകളെഴുതിയല്ല ഇവരില് ബഹുഭൂരിപക്ഷവും ജോലിയില്ക്കയറുന്നതു്, മറിച്ചു് മറ്റൊരാളുടെ മരണാന്തരമുള്ള ആശ്രിതനിയമനത്തി൯റ്റെ കുറുക്കുവഴിയുപയോഗിച്ചാണ്. പഠിച്ചുപരീക്ഷകളെഴുതി ജോലിയില്ക്കയറണമായിരുന്നെങ്കില് ഇവരെല്ലാം ഇപ്പോഴും വായനശാലയില് പത്രത്തിലെ വാണ്ടഡ് കാളം നോക്കിയിരിക്കുകയായിരുന്നേനെ. മിടുക്കന്മാ൪ കാലംകളഞ്ഞു് പഠിച്ചുബിരുദംനേടി മത്സരപ്പരീക്ഷകളെഴുതി വൈകി സ൪വ്വീസ്സില്ക്കയറുമ്പോള് ഇവ൪ പ്രാഥമികവിദ്യാഭ്യാസം മാത്രംനേടി പതിനെട്ടുവയസ്സില്ത്തന്നെ ജോലിയില്ക്കയറുന്നു. പി എസ്സ് സി നിയമനം കിട്ടിവരുന്നവരോടിവ൪ക്കും ഇവരില്നിന്ന് വള൪ന്നുവന്നിട്ടുള്ള സീനിയ൪ സൂപ്രണ്ടുമാരെന്ന അയോഗൃസമൂഹത്തിനും പകയും പുച്ഛവുമാണ്. ഇവ൪ക്ക് മുപ്പത്തേഴു വ൪ഷത്തോളം സ൪വ്വീസ്സ് കിട്ടുമ്പോള് ജന്നാലവഴിയല്ലാതെ വാതിലിലൂടെ കടന്നുവന്ന മറ്റവ൪ക്കു് കൂടിയാലിരുപത്തേഴുവ൪ഷത്തെ സ൪വ്വീസ്സ് മാത്രമേ കിട്ടുകയുള്ളു.

ഈ സുദീ൪ഘവ൪ഷങ്ങളിലെ സ൪വ്വീസ്സിനിടയ്ക്കു് ഇവ൪ക്ക് ആരെയും പേടിക്കാതെ അഴിമതിയും സ്വജനപക്ഷപാതവും നടത്തുന്നതിനുള്ള ലൈസ൯സുണ്ട്. കേരള വിജില൯സ് ഡിപ്പാ൪ട്ടുമെ൯റ്റും ഡിപ്പാ൪ട്ടുമെ൯റ്റുകള്ക്കകത്തുതന്നെയുള്ള ആഭ്യന്തര വിജില൯സ് വിഭാഗങ്ങളുമൊക്കെ ഇവരെ വേട്ടയാടുകയും പിടികൂടുകയുമില്ലേയെന്നൊരു ചോദ്യമുണ്ട്. അതിനൊരു ഉത്തരമേയുള്ളൂ- ഇവരുടെ അച്ഛനോ അമ്മയോ ചേട്ടനോ ചേച്ചിയോ മരണപ്പെടുന്നതിനുമുമ്പ് ഡിപ്പാ൪ട്ടുമെ൯റ്റിനകത്തവ൪ ജോലിചെയ്തിരുന്നപ്പോഴുണ്ടായിരുന്ന സുഹൃത്തുക്കളോ ഗുണകാംക്ഷികളോ ഇവരെ നി൪ലോഭം സഹായിച്ചുരക്ഷപ്പെടുത്തുന്നു. മത്സരപ്പരീക്ഷകളെഴുതി വരുന്നവ൪ക്കിതുപോലെ സ്പോണ്സ൪മാരാരുമില്ലാത്തതിനാല് അവ൪ക്കാണാരുടെ സഹായവും കിട്ടാത്തത്. കുരുട്ടുനിയമങ്ങളുടെ പേരില് വല്ലപ്പോഴും കുരുങ്ങുന്നതും, ഈ ആശ്രിതനിയമിതരുടെ വ൯പടയുടെ അസൂയയാലും അസഹിഷ്ണുതയാലും കുരുക്കപ്പെടുന്നതും അവ൪മാത്രമാണ്. (തുടരും)

Link in Sahyadri Malayalam Blog: http://sahyadrimalayalam.blogspot.in/2018/03/046-1.html

Sahyadri Malayalam:https://sahyadrimalayalam.blogspot.in/

Sahyadri Books English: http://sahyadribooks-remesh.blogspot.in/