060. എങ്കില്പ്പിന്നെന്തിന് ഇയാളവരുടെ സാരിയഴിക്കാ൯ പോയി?
പി എസ്സ് രമേശ് ചന്ദ്ര൯
ഭാഗം 1/2
മുഴുനീള മലയാള നഗ്നസിനിമകള് സ്വപ്നംകണ്ടു നടക്കുകയാണെന്നു തോന്നുന്നു സി വി ബാലകൃഷ്ണനെന്ന ഈ മലയാളി എഴുത്തുകാര൯. യൂറോപ്പിലെയും ഇംഗ്ലണ്ടിലെയുംപോലെ നഗ്നമേനി പ്രദ൪ശിപ്പിക്കാ൯ മലയാളത്തിലെ സിനിമാനടിമാ൪ തയ്യാറാകാത്തതും അവ൪ പ്രതിഷേധിക്കുന്നതും ഏതുവിധേനയും മറികടക്കപ്പെടേണ്ടതുണ്ടെന്നു പറയുന്ന ഇവനെന്തുതരം ക്രിമിനല്ച്ചിന്താഗതിയുള്ള എഴുത്തുകാരനാണ്? സിനിമയില് വന്നുകഴിഞ്ഞാല്പ്പിന്നെ സ്വന്തംനഗ്നത പൊതുജനങ്ങളുടെ മുന്നില് പ്രദ൪ശിപ്പിക്കാ൯ സാധ്യമല്ലെന്നുപറയാ൯ മലയാളസിനിമാനടിമാ൪ക്ക് യാതൊരു അവകാശവുമില്ലെന്നല്ലേ ഇവ൯ പറഞ്ഞുകൊണ്ടുവരുന്നത്? സിനിമയില് നഗ്നതാപ്രദ൪ശനത്തി൯റ്റെ ആവശ്യമുണ്ടെന്നിയാള് പറയുമ്പോള് സ്ത്രീയുടെ നഗ്നത പ്രദ൪ശിപ്പിക്കേണ്ടതി൯റ്റെ ആവശ്യമുണ്ടെന്നുമാത്രമാണിയാള് വാദിക്കുന്നത്. പുരുഷ൯മാരായ നട൯മാരുടെ നഗ്നത അവരോടുചോദിച്ചനുവാദം വാങ്ങി പ്രദ൪ശിപ്പിച്ചിയാളുടെ പ്രശനം ഇയാള്ക്ക് പരിഹരിച്ചുകൂടേ? ശ്രീ മോഹ൯ ലാലിനോടോ മമ്മൂട്ടിയോടോ, സുരേഷ് ഗോപിയോടോ, പൃഥ്വീരാജിനോടോ നഗ്നനായി അഭിനയിച്ചു പണമുണ്ടാക്കിക്കൊടുക്കണമെന്ന് പറയാനുള്ള ധൈര്യം ഇയാള്ക്കുപക്ഷേ ഉണ്ടെന്നുതോന്നുന്നില്ല. പിന്നെയുള്ളത് മലയാളസിനിമയിലെ അബലകളായ കുറെ അഭിനേത്രികളാണ്. അവരോടിതു് ആവശ്യപ്പെടാനുള്ള ധൈര്യം ഇയാള് കാണിച്ചുവെന്നാണ് ന്യൂസ്.റിപ്പോ൪ട്ടില് നിന്നും മനസ്സിലാകുന്നത്. ഒരു മലയാളസിനിമാനടി പട്ടാപ്പകല് തെരുവിലാക്രമിക്കപ്പെട്ടിട്ടും തട്ടിക്കൊണ്ടുപോകപ്പെട്ടിട്ടും വീണ്ടും സംഘംചേ൪ന്നു് മൃഗീയമായി അപമാനിക്കപ്പെട്ടിട്ടും ഇവിടെ ഒന്നും സംഭവിച്ചില്ലെന്നതും സിനിമാപ്പുരുഷ൯മാരും വഴിതെറ്റിപ്പോയ ഏതാനും പത്രക്കാരും ആ പെണ്കുട്ടിക്കെതിരെ സടകുടഞ്ഞെണീറ്റതുമാണ് ഇയാള്ക്ക് ഈ പ്രസ്താവനനടത്താനുള്ള ധൈര്യംനല്കിയത്. സ്ത്രീത്വത്തെയപമാനിച്ചതിനു് ആ മാധ്യമപ്രവ൪ത്തകനെയടക്കം അപ്പോഴേപിടിച്ചു് അറസ്റ്റുചെയ്ത് അകത്താക്കിയിരുന്നെങ്കില് ഇവനെന്നല്ല ആരുംതന്നെ ഇതുപോലെ വിലക്ഷണമായ പ്രസ്താവനകളിറക്കുമായിരുന്നില്ല, ഒരു മാധ്യമവുമത് പ്രസിദ്ധീകരിക്കുകയും ചെയ്യുമായിരുന്നില്ല. കൂളായി സ്ത്രീനഗ്നതപ്രദ൪ശിപ്പിച്ചു ജനങ്ങളെയിളക്കിമറിച്ചു് കോടിക്കണക്കിനുപണം നേടാനാവുമെന്നിയാള് വ്യാമോഹിച്ചു. കേരത്തിലെ സിനിമാനടിമാരെവെച്ചതു നടക്കില്ലെന്നുറപ്പായപ്പോള് മാധ്യമങ്ങളിലൂടെ ഇയാള് ബഹളമുണ്ടാക്കുന്നു. ‘പോയി പ്രതിഭയുണ്ടെങ്കില് ഇംഗ്ളീഷില് നഗ്നസിനിമപിടിക്കെടോ’ എന്നാണിയാളോട് നമുക്ക് പറയാനുള്ളത്; ലോകം മുഴുവ൯ കാണിക്കുകയും ചെയ്യാമല്ലോ.
ഇപ്പോഴിയാളിത് അവസരംനോക്കി വിളമ്പിയതെന്തിനെന്നാല്, ഒരു അന്താരാഷ്ട്ര ഫിലിം ഫെസ്റ്റിവലല്ലേ തിരുവനന്തപുരത്തു വരുന്നത്? അന്താരാഷ്ട്ര നഗ്നസിനിമകള്കണ്ടു് കണ്ണുകറങ്ങി മദമിളകിനടക്കുന്നവരുടെ എണ്ണം കേരളത്തിലന്നേരം വളരെക്കൂടുകില്ലേ? ഇത്രയും ലോകസൗന്ദര്യത്തിടമ്പുകള്ക്കു നഗ്നമേനി പ്രദ൪ശിപ്പിക്കാമെങ്കില് മലയാളത്തിലെ നരുന്തുകള്ക്കെന്തുകൊണ്ടത് പാടില്ലായെന്ന പൊതുചോദൃം മലയാളസിനിമാലോകതന്നേരം പടരുകില്ലേ? ആ സമയംനോക്കി നി൪മ്മാതാക്കളുടെ പണം തിരിച്ചുപിടിക്കാ൯ ഒരല്പം സഹകരിച്ചുകൂടെയെന്ന ഒരു ഭീഷണി സിനിമാനടിമാ൪ക്കുനേരേ പ്രയോഗിച്ച് അവരെ നിസ്സഹായരാക്കിയാല് അവരെ ഉദ്ദേശിക്കുന്നവഴിയ്ക്കു കൊണ്ടുവന്നു് എല്ലാവ൪ക്കും വ൯പ്രയോജനമുണ്ടാക്കിക്കൂടേ? പെണ്ണുങ്ങളുടെ തുണിയഴിച്ചു പ്രതിസന്ധിയിലായിക്കിടക്കുന്ന മലയാളസിനിമയ്ക്കത് വലിയൊരു ആശ്വാസമാവുകില്ലേ? അതിലൊരു പങ്കും അതിനുള്ള അവസരങ്ങളും തനിക്കും കണക്കുപറഞ്ഞു കിട്ടുകില്ലേ? ഇതാണയാളുടെ ചിന്തപോയവഴി- ലോഗിസ്റ്റിക്സ്. സ്വ൪ണക്കള്ളക്കടത്താരോപിക്കപ്പെട്ടതല്ലേ, നക്ഷത്രവേശ്യാലയമുണ്ടെന്നു സംശയിക്കപ്പെട്ടതല്ലേ, സ൪വ്വോപരി വെറുമൊരുപെണ്ണല്ലേ, എങ്കില്പ്പിന്നെ എന്തുകൊണ്ട് തുണിയഴിപ്പിച്ചു് സിനിമയിലഭിനയിപ്പിച്ചുകൂടായെന്നിയാള് ആലോച്ചിച്ചത് ന്യായം. പക്ഷെ ആ ആവശ്യം നേരിട്ടുന്നയിച്ച് അവരുടെയടുത്തുചെന്നപ്പോള് മുഖത്തു മുട്ടനടിവീണുവെന്നത് സത്യം. സ്വ൪ണക്കള്ളക്കടത്തിനും വേശ്യാലയംനടത്തിപ്പിനും നടിമാ൪ ആരോപിക്കപ്പെടുന്നത് കേരളത്തില് അത്യപൂ൪വ്വസംഭവങ്ങളാണ്. മലയാളത്തിലെ ആയിരക്കണക്കിന് വനിതാതാരങ്ങള് അത്തരക്കാരാണെന്നു വിധിയെഴുതാ൯ ഇയാള്ക്കെന്തവകാശം? പീഢന- ബലാത്സംഗ-ഗൂഢാലോചനാക്കേസ്സുകളില് സിനിമാതാരങ്ങളകപ്പെട്ടാല് (ആണ്.താരങ്ങള്ക്കുമാത്രം ബാധകം) കോടതിയാല് ശിക്ഷിക്കപ്പെടുന്നതുവരെ അവരെല്ലാം തീ൪ത്തും നിരപരാധികളാണെന്ന് ശ്രീ സെബാസ്റ്റിയ൯ പോള്.മുതല് കലാഭവ൯ ഷാജോണ്.വരെ അട്ടഹസിച്ചുകൊണ്ടു നടക്കുന്നത് ഇയാളും ചെയ്യുന്നില്ലേ? എത്ര നടിമാരെ സ്വ൪ണക്കടത്തിനും വേശ്യാലയം നടത്തിപ്പിനും കോടതി ശിക്ഷിച്ചിട്ടുണ്ട്? എന്തുകൊണ്ടിയാളുടെ കണ്ണില് ശിക്ഷിക്കപ്പെടാത്തവരും വൃത്തികെട്ടവരായി? എങ്കില്പ്പിന്നെന്തിന് ഇയാളവരുടെ സാരിയഴിക്കാ൯പോയി?
ഭാഗം 2/2
കേരളത്തിലെ കൗമുദി ടി വിയുടെ ദി സ്ട്രൈയിറ്റ് ലൈ൯ എന്ന പരിപാടിയിലെ ഈ വെളിപ്പെടുത്തലിനിടയിലിയാള് ദൈവതുല്യമായ ത൯റ്റെ പേരിനെക്കുറിച്ചുകൂടി പറയുന്നുണ്ട്. ബാലകൃഷ്ണനെന്നും പക്ഷെ ബാലകൃഷ്ണ൯തന്നെയായിരുന്നാല് മതിയോ ബാലകൃഷ്ണാ? വളരണ്ടേ? വള൪ന്നു വലുതാകണ്ടേ? പ്രായപൂ൪ത്തിയും പക്വതയും വന്നുചേരേണ്ടേ? സാക്ഷാല് ബാലകൃഷ്ണനായ ശ്രീകൃഷ്ണ൯ മാന്ത്രിക പുല്ലാങ്കുഴലി൯റ്റെ അഭൗമനാദംകൊണ്ട് വേശ്യകളെപ്പോലും ഈശ്വരപദത്തിലേക്കു് ഉയ൪ത്തിയിരുന്നിരിക്കണം. അദ്ദേഹം നഗ്നസിനിമപിടിക്കാ൯ നടക്കുന്നതൊന്നാലോചിച്ചുനോക്കൂ- ഒരിക്കലും നടക്കുന്നതല്ലെന്നറിഞ്ഞുകൊണ്ടു തന്നെ. ഈശ്വര൯മാരുടെ പേരുകള് ഇത്തരം നശ്വരവ്യക്തികള്ക്കിടുന്നത് ദൈവങ്ങള്ക്കൊരപമാനംതന്നെയാണ്. വേശ്യാവൃത്തി ലോകത്തേറ്റവും പുരാതനമായ ഒരുതൊഴിലാണ്- ദാരിദ്ര്യവും പട്ടിണിയുമാണത്തിനു കാരണം. അവരെ അപമാനിക്കരുത്; വേശ്യാവൃത്തി ചെയ്യുന്നവ൪ക്കും അഭിമാനമുണ്ട്. അവ൪ അവരുടെ അഭിമാനമല്ല വില്ക്കുന്നത്, പട്ടിണിമാറ്റാനായി ശരീരം മാത്രമാണ്. ആത്മാവ് അപ്പോഴും ബാക്കിയാണ്, അചുംബിതമാണ്. ഇത് ഈ നാട്ടിലെ എഴുത്തുകാ൪ക്ക് മനസ്സിലാക്കാ൯ കഴിയുന്നില്ലെങ്കില്പ്പിന്നെ ആരുമനസ്സിലാക്കുമെന്നൊന്നു് ആലോചിച്ചുനോക്കൂ. മലയാളസിനിമാലോകത്തെ മഹാവിട൯മാരാരുംതന്നെ (ക്ഷമിക്കണം, മഹാനട൯മാരാരുംതന്നെ) സി വി ബാലകൃഷ്ണ൯റ്റെ ഈ പ്രസ്താവനയോട് പ്രതികരിച്ചുകാണുന്നില്ല. ബലാത്സംഗങ്ങളും മാനഭംഗങ്ങളും സിനിമാനട൯മാരുടെയും നി൪മ്മാതാക്കളുടെയും സംവിധായകരുടെയും അവകാശമാണെന്നമട്ടില് എത്രയോവട്ടമവ൪ രണ്ടായിരത്തിപ്പതിനേഴാമാണ്ടില് ചാനല്ച്ച൪ച്ചകളിലും പത്രപംക്തികളിലും സംസാരിച്ചുകഴിഞ്ഞു! അപമാനിക്കപ്പെടുന്ന സ്ത്രീത്വത്തെക്കുറിച്ചു് ഒറ്റയൊരുവാക്കുപോലും ഉരിയാടാത്ത ഈ ഖല൯മാ൪ക്ക് വീണ്ടും വീണ്ടും മാധ്യമക്കവറേജ് നല്കുന്നത് കേരളത്തിലെ ജനങ്ങള്ക്ക് ഒരു അപമാനമല്ലേ?
സിംഗപ്പൂരോ മറ്റോ ആണ് ഒരാളിത്തരം പരസ്യ സ്ത്രീയവഹേളന പ്രസ്താവന നടത്തിയിരുന്നതെങ്കില് ഉട൯വരുമായിരുന്ന പോലീസ്.നടപടിയില് അറിയാതെ ഇയാള് മുട്ടുവഴി മൂത്രമൊഴിച്ചേനെ. കേരളത്തിലെന്തുമാകാമെന്നൊരു ധാരണ ജീ൪ണ്ണിച്ച അരാജകവാദികളായ എഴുത്തുകാ൪ക്കുണ്ട്. എഴുത്തിലൂടെയും പ്രസ്താവനകളിലൂടെയും ഉണ്ടാക്കിയെടുത്തതാണീ ധാരണ. ഈ പ്രവണത പടരുന്നതിനുമുമ്പേ കേരളമിതു പിടിച്ചുനി൪ത്തേണ്ടതാണ്; എഴുത്തിലൂടെത്തന്നെ നമുക്കതു മാറ്റിയെടുക്കണം. ഇയാളുടെ രചനകള് ഞാ൯ വായിച്ചിട്ടില്ല. കുങ്കുമവും മലയാളനാടും വായിച്ചിരുന്ന കാലത്തു് ഇയാള് ഉണ്ടായിരുന്നില്ല. കലാകൗമുദിയിലെപ്പോഴോ ചെറുകഥപോലെ എന്തോ ഒന്ന് പണ്ട് കണ്ടതായോ൪ക്കുന്നു. അഴുകിയ സ്ത്രീ-പുരുഷ ബന്ധങ്ങളെ ഏതുതിവിറ്റുരസിക്കുന്ന ഒരുത്തനെന്നു് ഒറ്റനോട്ടത്തില്ത്തന്നെ തോന്നിയതുകൊണ്ട് പിന്നെ ശ്രദ്ധിച്ചിട്ടില്ല- ഇപ്പോഴിയാളുടെ ഈ അവഹേളനപ്രസ്താവന വരുന്നതുവരെ. അന്നേ കൃഷ്ണ൯നായ൪ സാ൪ ചെയ്തിരുന്നപോലെ നിലമ്പുഴക്കിയെറിയേണ്ടതായിരുന്നു. ഓ൪മ്മയുണ്ടല്ലോ സാഹിത്യവാരഫലത്തിലന്ന് അദ്ദേഹമെഴുതിയതു്? ‘ഞാ൯ രാവിലെ സ്റ്റാച്ച്യൂവിലൂടെ നടക്കാനിറങ്ങുമ്പോള് ഒരു ചെറുപ്പക്കാര൯ വളരെ ഭവ്യതയോടെ മുണ്ടു താഴ്ത്തിയിട്ടു് തൊഴുതുകൊണ്ടു എതി൪.വശത്തുകൂടി പതിവായി കടന്നുപോകും. അതുകൊണ്ടു ഞാ൯ പന്തളം സുധാകര൯റ്റെ കവിതകളെക്കുറിച്ചു് ഒന്നും പറയുന്നില്ല.’ (Read full comment in author’s Face Book Page or Google Plus)
[In response to news article ‘Malayalam cine actresses can smuggle gold and run star brothels but reluctant to act in the nude- C V Balakrishnan in Kaumudi T V’s programme The Straight Line ‘സ്വ൪ണ്ണക്കടത്ത് നടത്താം, നക്ഷത്രവേശ്യാലയങ്ങള് നടത്താം, മലയാള നടിമാ൪ക്ക് സിനിമയിലെ നഗ്നത വലിയ സദാചാര പ്രശ്നം’ in South Live on 06 December 2017 and Kaumudi TV]
Link: https://youtu.be/BKoHoZv01R8
Link: https://southlive.in/movie/celebrity-talk/cv-balakrishnan-malayalam-film-actress/
Dec 09 2017
Link in Sahyadri Malayalam Blog: https://sahyadrimalayalam.blogspot.in/2018/03/060.html
Sahyadri Malayalam:https://sahyadrimalayalam.blogspot.in/
Sahyadri Books English: http://sahyadribooks-remesh.blogspot.in/
