علاش تخلي بلاصتك في الإس دي جي كامبس فارغة؟
Written by lahbibi medrabie
كل واحد فینا كي یبدا قاعد وحدو دیما یسأل روحو أسئلة غریبة و تحیر. یمكن واحد من الأسئلة هاذیكا هو زعمة كیفاش إنجم نكون مفید في حیاتي؟ كیفاش إنجم نفید روحي و غیري و العالم إلي أنا فیه ؟
سؤال یوري إلي في قلب كل واحد فینا فما رغبة كبیرة إنو یعمل في حیاتو حاجات مهمة تخلیه یحس روحو ینجم یبدل, ینجم یقود و ینجم یحسن أما ساعات في وسط الأمال هاذي كل نحسوا إلي الدنیا ضیقة لدرجة الخنقة و منعرفوش وین إنجموا نطبقوا الإفكارو الرؤى متاعنا. هوني وین نسألك مثبت, شفت ملیح , ساعات الحوتة الكبیرة تبدا تحت ساقیك . باهي إیجا نحكیلك على الإس دي جي كامبس , إیجا نعرفك علیها و نحكیلك و شنوا عملنا و شنوا ماعملناش و نشوفوا مع بعصنا كیفاه نبدلو و نغیروا و نطوروا ؟
أول الرحلة…حلمة
وقتلي في 2016 بدا إس دي جي كامبس , خممنا إنو نعملو مخیمات أهداف التنمیة المستدامة نحكیوا فیهم على الأهداف هاذي و نحاولو نخرجوا مشاریع تخدم على تحقیقها في بلادنا. حطینا هدف إنو 17 هدف إلي حطتهم الأمم المتحدة یتطبقو في تونس خاطر كان إنجم نعمولوهم : یتحسن وضع سكان , یصیر في بلاد إزدهار إقتصادي یحترم الإنسان , و یولي عنا بیئة نطیفة لولادنا وأولاد أولانا , العنف ینقص في البلاد و التسامح یزید , خاصة نتعلمو نخدموا مع بعضنا ید في ید بش نوصلو لهذا كل. في هذا كل أكید نتسحقولك … شنوا المشاریع إلي تنجم تبدل هذا كل ؟ یا سیدي و یا للا ساهلة برشا , كانك مغروم ولا مغرومة بریادة الأعمال, أعمل شركتك و أحنا معاك , و كانك مغروم ولا مغرومة بالخدمة في الجمعیات و المجتمع المدني, أعمل أهدافك لم أصحابك و الناس إلي تؤمن بیها و أ خلق جمعیتك و أحنا نمنو بیكم الكل. و كان فما قانون مقلقك و تحسو یعطل في تحقیق أهداف التنمیة المستدامة مع بعضنا نبدلوه , إكتب فكرتك و إكتب الأسباب و أحنا وراك . المهم إحلم و إخدم وتو نبدلو
بعد الحلمة ...لمة
بش المخیمات تصیر, نستحقوا للجمعیات شریكة تقاسمنا الفكرة و للشباب میسر یشاركنا الحلمة , نستحقوا للناس تؤمن بلي نعملو فیه , هذاكا علاه دیما نسعاو بش عائلتنا تكبر. من للتو الجعیات إلي مشاركتنا ولات في البلایص الكل.و غیرهم من الجمعیات الكل أصحابنا و أحبابنا نخدموا مع بعضنا . المیسرین إلي في مجموعتنا هوما في الأصل مشاركین و أصحاب مشاریع خرجت من المخیمات متاعنا . إیمانا بالفكرة , الیوم ولاو مش فقط أصحاب مشاریع أما زادا أصحاب رسالة . رسالتهم هي تونس خیر, أحسن و أقوى. هذاكا علاش عطاونا من وقتهم و داروا معانا تونس الكل من بنزرت لبن قردان بش یحكیوا على أهداف النتمیة المستدامة و یشاركوا خبرتهم و تجربتهم مع أي واحد یحب یحسن و یقدم .
عادل, سلمى, محمد علي, أماني, سیف, نسرین وغیرهم ولاو جزء لایتجزأ من مشروعنا . حتى بلاصتك تستنى.
من اللمة صنعنا قوة
اللمة هاذي خلاتنا نجمعو أكثر من4100 مشارك ومنهم 49 %نساء, موجودین في تونس الكل من توجهات مختلفة و أصحاب أراء عدیدة و لیهم برشا أحلام ,و هذا مایعنینا. هذاكا علاه 45 % من الأفكار ولات مشاریع موجودة في كل بقعة في بلادنا . مشاریع تهتم بوضع السكان, بوضع الإقتصاد, بوضع البیئة. كلها مشاریع دائمة, متواصلة و مستقلة عن الاس دي جي . على رأس كل مشروع فما قائد یشتغل من أجل التحسین , إلي ولى رئیس جمعیة, إلي ولى مدیر شركة ناشئة. القوة هاذي تصنعت من شركائنا إلي بلغ عددهم 10 في 2019 . شركاء من القطاع العام و الخاص و من المجتمع المدني . كلهم معانا نخدمو ید وحدة و فریق واحد .
الحلمة ولات رحلة, خلقت لمة , عملت قوة هاذي حكایتنا. و یمكن تكون إنت واحد من أبطالها. نعرفو إلي خطوة لولة دیما صعیبة, نعرفوا إنو العالم ملیان بالحاجات إلي تعطل . إیجا معانا مهما كانت مخاوفك و مهما كانت أحلامك , إیجا كیما إنت.
