Door hai manzil — Shakeel Badayuni

Dur hai manzil, rahen mushkil aalam hai tanahai ka
aj mujhe ehasas hua hai apni shikastapai ka

dekh ke mujh ko duniya wale kahane lage hain divana
aj vahan hai ishq jahan kuch khauf nahi rusavai ka

chod den rasm-e-khudnigari ko tod den apana iman
khatm kiye deta hai zalim rup teri angadai ka

main ne ziya husn ko bakhshi us ka to koi zikr nahi
lekin ghar ghar mein charcha hai aj teri ranai ka

ahal-e-havas ab ghabarate hain dub ke behar-e-gam mein “shakeel”
pahale na tha becharon ko andaza geharai ka