Railway Ride

Hindu/Urdu translated poem

Photo by Frank Holleman on Unsplash

Kabhi ajnabiyo mei
tum jhalak jaate ho
to mai kosti ho khud ko-
“Aaj hi baal goonth ke
nikalna tha ghar se”

Kabhi ye nahi sochti —
ki tumse bolu kya,
Sunne samajhne ki kshamta
to tumhari ab bhi utni hi hogi

Aankhen neechi kar leti hu
kahi bin chaahe
tumhe fir naraaz na kar du
Par jaanti hu
ki aaj bhi mai tumhe dikh jau
wo safed suit pehni hui
tumhari di hui
nakli chandi ki baliyo
ke saath
tum dobara dekhoge zaroor

Suno, local train mei tum
aksar dikh hi jaate ho
bheed mei gume hue
jaise tum hamesha hi the —
Har tarah ke logo mei tumhe dekh dekh ke
tumhari shakal dhundhli si ho gayi hai
safed suit roz pehen pehen ke
wo kuch pili si ho gayi hai
Mujhe pata hai tumhe mere baal khule pasand hai
par asaan hai kya
har din train mei — baalon ko sambhalna