नव्या वाटा

दिवस उगवतो
मला खुणावतो

नव्या दिशा
नव्या वाटा
नवीन क्षितिजे दाखवतो

त्या नवीन वाटांवरून
मग धावत निघतो मी

नवी क्षितिजे सर करायला
अधिर होउन पळतो मी

धावत पळत असताना
कालचा दिवस बोलवतो

कालच्या राहुन गेलेल्या वाटा
पुन्हा पुन्हा दाखवतो

नित नवीन शोधताना
कालच्या वाटा विसरून जातात

त्यांच्या पर्यंत पोचण्या आधीच
स्वप्नां मध्येच विरुन जातात

रोज धावपळ करता करता
पोचत कधी कुठेच नाही

नव्या वाटेवर धावण्याची मजा मात्र
काही केल्या सरत नाही

If you enjoyed this, read some other poems by Mayuresh