Буурай аав
Published in
Dec 28, 2023
Ов товхон цоохортсон таны минь царай гийж
Охин минь гэж өгүүлэн найр тавин мишээнэ
Олны дунд од шиг явлаа өвөө чинь гэж та хэлээгүй ч
Одоо байгааг чинь харахад од бүү хэл нар нь байсан юм уу даа гэмээр
Он жилийн уртад элсэн бие чинь бөгтийсөн ч
Орчлонд таны хүн шиг явсныг түмэн мэднэ
Орхиод оддог амьдралын ширүүнийг та амссан ч
Орь ганцаараа бүхнийг ялсаар ирснийг би мэднэ
Дэндүү омголон ааш чинь яг одоо хэвээрээ
Дэвэргэн хангал зан чинь янзаараа
Дээвэр гэж байхгүй байсан бол энэ дэлхийгээс
Дэвхэрч үсрээд явчих юмсан гэж та хэлдэгсэн
Дэндүү омголон ааш чинь яг одоо хэвээрээ
Дэвэргэн хангал зан чинь янзаараа
Шүлгийг Цэгмидийн Цэндпүрэв, 1998, Улаанбаатар, Монгол улс
