Resensi Buku: Rindu Banda Sapuluah.
- Judul Buku: Rindu Banda Sapuluah
- Pengarang: Ermanto Tolantang
- Penerbit: CV. Pustaka Tunggal
- Tahun terbit: 2019
- Tebal halaman: 123 halaman
Parantau Minang lah takato dima-dima. Tasurek jo tasabuik ka subalik nagari, sambuah tatulihan dalam novel bagai. Tamasuak dalam buku Rindu Banda Sapuluah nan ditulih dek Ermanto Tolantang. Kisah parantau banamo Barlian nan samulo manggaleh kaki limo di ibu kota sabalun bapulang ka nagari asa. Basitungkin mancarian angok nan sahambuih, Barlian tatap mangana pasan rang gaek, bagantuang ka tuhan Allah nan ciek taruih. Dari ditingga kawin, barang galeh nan tabaka, tausia dari kos-kosan, manumpang tingga di Mushalla sambia jadi garin sampai basobok mamak nan lamo ilang.
Dalam buku ko langkok isinyo dari drama, cinto-bacinto, politik kampuang, ratok tangih, ariak karengkang, sambuah babagai macam. Buku ringan ko lasuah kajadi kawan mangopi sore. Dek nyo singkek, alun abih goreang di piriang, lah salasai subalik tabaco. Itu kurangnyo. Kok kabatanyo labiah, buku ko maagiah patatah-patitiah lamo, nasehat, pituah rang gaek kampuang. Sasuai jo zaman kini, nan lah lah kabua pandangaran, tacampua janiah jo karuah. Salain itu, ancak pulo pambangkik sumangaik masyarakat untuak manulih dalam baso Minang.
