Surek dari Kanti
Jumaik kapatang tu kan ulang tahun Kota Padang, dek ambo taragak jo kampuang, ambo browsing lah content nan minang-minang. Tanyato youtuber baru nan alah ambo subscribe, buek lo content tantang ‘Taragak jo Kampuang’. Sero bana mandanga MsShendra jo uni Feni nan jauah di Norway ngecek baso Minang! Yo tambah taragak ambo dibueknyo, tu inyo maagiah info pulo tantang gajeboh.
Mulonyo, ambo kiro gulai gajeboh, tabik lo salero, eee tanyato samacam media online baso Minang. Salasai manonton uni-uni ko maota lamak tantang gajeboh, langsuang ambo cari tahu gajeboh ko. Ambo caliak website-nyo di gajeboh.com tu sobok jo Instagram bagai eh ado segmen Suaro Kanti. Dek ambo suko lo manulih, ambo langsuang cubo jo sato sakali, siapo tahu bisa tabik. Ambo sanang MsShendra alah kolaborasi jo Gajebohcom, tambah banyak referensi online ambo tantang Minang, sukses taruih untuak uni MsShendra jo Gajebohcom! :)
-Kanti di rantau-
Kironyo ado parantau nan hobi lo manulih, haha. Kanti-kanti bahobi samo, ka sato lo manulih bisa langsuang bakirim ka email ka kanti@gajeboh.com dih. Ndak babaso bagai, ndak pakai malu juo. Kurang-kurang saketek ditambah bumbu dek urang dapua Gajebohcom beko mah.
