FULL TEXT: Response on behalf of the 2023 College of Science MS/PhD Graduates

Magandang hapon po, sa ating panauhing pandangal, Professor Emeritus Dr. Rosario Torres-Yu. Dean Ganni, sa staff ng College of Science. Sa ating mga mentors at mga guro. Magandang hapon din po sa ating mga kapatid, kamaganak, mga mahal sa buhay. At siyempre, magandang hapon po sa ating lahat na mga magtatapos.

Ako po si BA Racoma, at never kong naimagine na tatayo ako sa harap ninyong lahat ngayon. Sa totoo lang, hindi ko talaga naisip na kukuha ako ng graduate studies, let alone a PhD. Pero wala, dinala ako (at nadala) ng hangin, at nandito ako ngayon, nakikipag-kuwentuhan kung kelan alam kong atat na atat na tayong lahat lumabas, kumain at magcelebrate kasama ang ating mga mahal sa buhay.

Kaya sige try kong bilisan itong kuwentuhan natin.

Kung ilalapat ko ang aking graduate studies sa isang scientific phenomenon, siguro maihahambing ko ang aking journey sa mga ulap. Napaka-cliché ano, si Mr Racoma na estudyante ng meteorolohiya ay nagpapanggap na cloud.

Siguro naman lahat tayo napatingala minsan sa langit at sinabing, “waw, ganda.”

Pero ano nga ba ang mga ulap?

Sa pinaka-basic na definition, a cloud is just a collection of water droplets and ice; lumulutang lutang, floating in the sky. Dahil sa saturation, pressure, at sa temperature sa upper levels ng atmosphere, biglang nag-condense ang water vapor para mamuo ang mga puting bulak na tinatawag nating ulap.

But one thing that we don’t often talk about is how clouds are the manifestations of the invisible movements and conditions of the atmosphere.

Masiyadong basa ang hangin? Cloud. Bumagsak ang pressure? Cloud. May nagbabanggaang hangin? Frontal systems. Cloud. Masiyadong malamig ang lupa? Fog (which is also a cloud). May pumutok na bulkan? Pyrocumulus.

And all these different conditions create different types of clouds in the atmosphere. As much as we try our best, napaka-hirap i-classify ng lahat ng ulap sa langit at a given time.

Hindi siya basta-bastang “uy may mga puting cloud” or “uy may matabang cloud”. Palaging may kaakibat na adjective, o descriptor kung baga. It’s a high wispy cloud, ganern. Or maraming sheets na madidilim. Stratus ba yun? O Nimbus? Ah. Nimbostratos.

Additionally, depende sa environment, napakabilis gumalaw at magbago ng mga ulap. Yung cumulus mo maya’t maya baka bigla na lang mawawala. Puwede ring bigla itong magbago at maging stratocumulus na kinucover ang buong sky. Tapos biglang mamaya cumulonimbus na pala, at ayan na nga, ulan.

Lagi kong sinasabi sa mga estudyante ko na classifying clouds is not just black or white. Puwede naman silang bigyan ng pangalan based on Luke Howard’s cloud classification scheme na may tatlong principal types (cirrus, cumulus, stratus), atsaka three different levels (low, middle, high).

PERO hindi mo basta-basta mali-label ang mga ulap kasi napakabilis nilang gumalaw at magbago. It’s a spectrum, with intermediate classifications. Through time, the appearance, shapes, and forms of clouds follow their environment.

And just like clouds, we are the manifestations of our environment (uy naipilit ni Mr Racoma). Tayo ay nahulma ng ating mga pamilya, ng ating mga kaibigan, ng ating mga social circle. Tayo ay nahulma ng ating experiences, ng ating lipunan, ng ating mga institusyon, ng ating paaralan, ng ating mga mentors at guro.

We are all ever so changing, adapting, manifesting, forming our own versions of our clouds. Hindi naman natin naimagine na makakapag-aral tayong lahat sa napakahirap na panahon ng pandemya. And yet, despite the circumstances, nandito tayong lahat, magtatapos.

Palakpakan po natin tayong lahat.

HOWEVER, I would just like to take this moment to briefly pause, para banggitin at alalahanin ang mga kaibigan natin na for whatever reason ay HINDI makakapagtapos ngayon.

In the course of the pandemic, maraming mag-aaral ang either na-delay or hindi na nakapag-aral at all kasi kinailangang tumigil, tulungan ang pamilya, magtrabaho muna. May mga estudyante rin na hindi nakapag-adapt sa work from home setup because hindi kaya ng kanilang resources. Napakagastos din naman ng gadgets, internet, at kuryente diba?

May mga kapwa rin ako na grad students na hanggang ngayon ay hindi pa rin matapus-tapos ang kanilang pag-aaral dahil sa iba’t ibang dahilan: bumalik sa trabaho dahil wala nang pera, naghanap ng ibang trabaho dahil delayed on tapos na ang kontrata. Nagrecalibrate ng oras kasi nagkapamilya. Hindi matapos ang thesis dahil walang oras, walang resources, walang suporta. Nakahanap ng ibang paaralan sa Pilipinas o sa ibang bansa. At kung anu-ano pang sangkatutak na dahilan.

Sabi nga ng isang article na nabasa ko last week, “my PhD took a long time, and there’s no shame in that.” Agree ako dun. There shouldn’t be shame when we take too long sa ating pag-aaral graduate man or undergraduate. There shouldn’t be shame when people don’t graduate at all.

When this happens, more often than not, may dahilan. Katulad lang ng may dahilan kung bakit namumuo ang ulap at umuulan, may dahilan kung bakit ang mga estudyante ay natatagalan, bumibigay, sumusuko, tumitigil mag-aral, hindi nakakapagtapos.

We go back to what I said earlier, we are the manifestations of our environment. And kung yung mga studyante, bumabagsak sa subjects, nahihirapan, naga-awol, when students take too long to graduate, it’s not anymore just a student problem. We have to dig deeper into the circumstances, we have to understand the environment of the student.

We have to recognise na it’s not just you, it’s not just me, it’s also the system.

Napaka-suwerte ko na very nurturing ang aking environment, at napaka-supportive ng aking mentors. And kung hindi ako sinuportahan ng parehong UP Diliman atsaka sa University of Reading, hindi ako makakakapapagtapos kasama ninyo ngayong taon.

As we all graduate today, I raise this challenge to all of us. Diba sabi ko na clouds are manifestations of the environment? Clouds also have the power to change the environment.

Ang hangin at mga ulap ang bumubuo ng bagyo. Ang mga ulap ang nagdadala ng ulan na pumapawi sa tag-tuyot na dulot ng El Niño. Ulap at ulan ang makakaapekto ng desisyon natin kung “maglalaba ba ako ngayon?” o kung “may ani kaya ako ngayong taon?”

Like how water vapor can coalesce, condense, form clouds and eventually cause precipitation, we can all come together, to collaborate, to organise, to manifest, and to cause and influence the change that we want to see.

Mas marami po tayong magagawa kung tayo ay magsasama at magtutulungan.

Graduates of 2023: let’s make it rain.

Mabuhay po tayong lahat, mabuhay ang mga siyentista ng bayan.

Patuloy naging pagsilbihan ang isa’t isa, patuloy nating pagsilbihan ang taumbayan.

-BA
29 July 2023