លោក ហ៊ុន សែន កាត់​ផ្ទៃដី​មេ​ទឹក​និង​បឹង​ចំនួន​៤​ទំហំ​ជាង​២០០​ហិកតារ​ឱ្យ​ឯកជន​គ្រប់គ្រង

ផ្ទៃដី​មេ​ទឹក និង​បឹង​ដែល​មាន​ទំហំ​ជាង ២៣៤​ហិកតារ​ស្ថិត​នៅ​ស្រុក​ចំនួន​៣ ក្នុង​ខេត្ត​កណ្តាល ត្រូវ​បាន​លោក ហ៊ុន សែន ធ្វើ​អនុបយោគ​ពី​សម្បត្តិ​សាធារណៈ​របស់​រដ្ឋ​ទៅ​ជា​សម្បត្តិ​ឯកជន​របស់​រដ្ឋ​ចាប់​ពី​ថ្ងៃ​ចុះហត្ថលេខា​តទៅ។

ក្នុង​អនុក្រឹត្យ​មួយ​ដែល​ចុះហត្ថលេខា​ដោយ​លោក ហ៊ុន សែន កាលពី​អំឡុង​ខែ​កុម្ភៈ ឆ្នាំ​២០២២ បាន​ឱ្យ​ដឹង​ថា ដី​មេ​ទឹក និង​ដី​បឹង​ចំនួន ៤​ទីតាំង​ដែល​រដ្ឋាភិបាល​ធ្វើ​អនុបយោគ​ពី​សម្បត្តិ​សាធារណៈ​របស់​រដ្ឋ​មក​ជា​សម្បត្តិ​ឯកជន ស្ថិត​នៅ​ក្នុង​ស្រុក​ចំនួន​៣ នៃ​ខេត្ត​កណ្ដាល ក្នុង​នោះ ផ្ទៃដី​មេ​ទឹក​ប្រមូលខ្លា​ចំនួន ៥៩​ហិកតារ ស្ថិតនៅ​ភូមិ​អញ្ចែងក្រោម ឃុំ​ពុកឫស្សី ស្រុក​ខ្សាច់កណ្ដាល និង​ផ្ទៃដី​មេ​ទឹក​ផ្លូវ​ទូក​ដែល​មាន​ទំហំ ៤៣​ហិកតារ ស្ថិត​នៅ​ភូមិ​ពុកឫស្សីលើ និង​ភូមិ​ក្រូចសើច ឃុំ​ពុកឫស្សី ស្រុក​ខ្សាច់កណ្ដាល។

ចំណែក​បឹង​ដែល​រដ្ឋាភិបាល​ធ្វើ​អនុបយោគ​វិញ ក្នុង​នោះ​មាន​បឹង​ជន្លេន​ចំនួន ៨៩​ហិកតារ ស្ថិតនៅ​ភូមិ​បឹងជន្លេន ឃុំ​ឫស្សីជ្រោយ និង​ភូមិ​កោះរកា ឃុំ​ព្រែកអញ្ចាញ ស្រុក​មុខកំពូល និង​បឹង​ដើម​ពោធិ៍​ដែល​ទំហំ ៤០​ហិកតារ ស្ថិតនៅ​ភូមិ​ខ្ចារ ឃុំ​ទួលព្រេច ស្រុក​អង្គស្នួល ខេត្ត​កណ្តាល។

បើ​តាម​អនុក្រឹត្យ​បញ្ជាក់​ថា ការ​សម្រេច​ធ្វើ​អនុបយោគ​ដី​មេ​ទឹក និង​ដី​បឹង​ចំនួន ៤​ទីតាំង​ដែល​មាន​ទំហំ​ជាង ២៣៤​ហិកតារ (២៣៤១៥៩៩​ម៉ែត្រក្រឡា) តប​តាម​សំណើ​របស់​រដ្ឋបាល​ខេត្ត​កណ្ដាល។ ការ​ធ្វើ​អនុបយោគ​ផ្ទៃដី​បឹង​នេះ មិន​មែន​ធ្វើ​តែ​នៅ​ខេត្ត​កណ្ដាល ទេ វា​ក៏​មាន​នៅ​តាម​បណ្ដា​ខេត្ត​ផ្សេងៗ​ទៀត រួម​ទាំង​រាជធានី​ភ្នំពេញ​ផង​ដែរ។

ជាក់ស្ដែង​ផ្ទៃ​បឹង​តាមោក​ដែល​មាន​ទំហំ ៣២៣៩​ហិកតារ​ជា​អាង​ស្តុក​ទឹក និង​រំដោះ​ទឹក​ពី​រាជធានី​ភ្នំពេញ ក៏​ត្រូវ​បាន​លោក ហ៊ុន សែន កាត់​និង​ដោះដូរ​អស់​ប្រមាណ ២​ពាន់​ហិកតារ​ហើយ​គិត​ចាប់ពី​ឆ្នាំ​២០១៨ ដល់​ឆ្នាំ​២០២២ នេះ។ ការ​កាត់ និង​លុប​បឹង​តាមោក​ជា​បន្តបន្ទាប់​នេះ ដើម្បី​ប្រគល់​ឱ្យ​អ្នក​មាន​ប្រាក់ មន្ត្រី កងកម្លាំង​ក្នុង​ជួរ​រដ្ឋាភិបាល ស្ថាប័ន​រដ្ឋ និង​ឯកជន រួម​ទាំង​ប្អូនស្រី​របស់​លោក ហ៊ុន សែន និង​សាច់ញាតិ​របស់​លោក បើ​ទោះបីជា​ការ​កាត់ និង​ដោះដូរ​នោះ​នឹង​ធ្វើ​ឱ្យ​ទីក្រុង​ភ្នំពេញ​ប្រឈម​នឹង​ជំនន់​ទឹកភ្លៀង​ក៏ដោយ។

កាលពី​ខែ​ឧសភា ឆ្នាំ​២០២០ រដ្ឋមន្ត្រី​ក្រសួង​ធនធាន​ទឹក និង​ឧតុនិយម លោក លឹម គានហោ បាន​ចេញ​លិខិត​មួយ​ដោយ​ព្រមាន​អំពី​គ្រោះមហន្តរាយ​ដោយសារ​ទឹកជំនន់ ក្រោយពី​ក្រសួង​មើល​ឃើញ​ថា​មាន​ការ​ចាក់​ដី​លុប និង​ការ​សាងសង់​សំណង់​ផ្សេងៗ​បិទ​ផ្លូវទឹក និង​កន្លែង​ស្តុក​ទឹក​នានា​ជា​បន្តបន្ទាប់។

បើ​យោង​តាម​សៀវភៅ​រាជកិច្ច​ដែល​ត្រូវ​បាន​បោះពុម្ព និង​ចងក្រង​នៃ​បទបញ្ជា និង​សេចក្តី​សម្រេច​របស់​រដ្ឋាភិបាល​ដែល​មាន​តាំងពី​ចុង​ឆ្នាំ​មុន បាន​ឱ្យ​ដឹង​ថា ផ្ទៃដី​ប្រហែល ៦០០​ហិកតារ​នៃ​តំបន់​ដែល​គ្រប់គ្រង​ដោយ​រដ្ឋ​ផ្សេង​ទៀត រួម​មាន​បឹង ព្រៃឈើ ភ្នំ កំពង់ផែ និង​អតីត​សម្បទាន​សេដ្ឋកិច្ច ក៏​ត្រូវ​បាន​ធ្វើ​ឯកជន​ភាវូបនីយកម្ម៕

https://www.cambodiadaily.com/2022/06/21/14/40/62948/?feed_id=196

--

--

--

គេហទំព័រផ្លូវការ សារព័ត៌មាន ឌឹ ខែមបូឌា ដេលី ជាភាសាខ្មែរប្រចាំថ្ងៃ

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store
The Cambodia Daily

The Cambodia Daily

All the News Without Fear or Favor

More from Medium

AMA RECAP BETWEEN MH-VENTURES AND [CHAINPORT]

PolkaBridge is a decentralized cross-chain protocol designed to act as the primary bridge between…

Artist statement… for nyeow

Ar Rabba