Ang Pagpangluib
Pipila na ka gabii
kung naglakaw-lakaw
Inmaculada-Ayala
mag-inusara kay
dili tanang tawu malipay ra ug tanaw
sa suga anang poste, dili
tanan malingaw makakitag ok-ok nga
mag-orgy dapit sa drainage gawas anang
Camp Sotero, dili tanan andam
isugal ilang selfon, kuwarta, ug kaugalingun
para lang makapaminaw sa inihap nga hunghung
anang kuwaknit, anang ngiub, anang ngitngit.
Apan nagtuu ka nga naangkun na nako
ang purong gugma sa gabii ug kadlawun?
Sayup, nasayup ka
kini akung nasabtan atung gabhiona nga
ang mga iro nga unta naa sulod sa parkinganan
nga ilang gibantayan
nakagawas
mipaghut
ug mipaduul
nagpadayun kug lakaw
nagpaarun-ingnun nga walay nadunggan
pero diay tu
“leche, traydor, nganung nagpaboang-boang ang kadlawun?”
kamao pud diay mangilad
“pisti” (di ka get-over)
Nisaka ko balik sa eight floor
bitbit and bugnaw’ng singut
ug ang dughang wala magkadugo
apan samaran.
