Miguel Angel Ruíz Sánchez

Sleeping room

Musika sa amung kadlawun

ang panag-apsanay nga

pagtupluk-tupluk, dayun

tayhup ug higup hinay-hinay

sa makapaso sa dila

nga instant coffee nga hinuwad sa

sinaw nga baba anang vendo.

Naa pud ang kapila nga pagliso-liso

sa mga office chairs sa

mga tawung gasakit napud ang

buko-buko tungud sa sunud-sunud nga

pagdawat ug tawag gikan

sa mga dios-dios sa

pikas kontinente.

Pero akung personal favorite

sa tanan tanan kay

kanang haguk nga maggikan

sa atung sleeping room.

Dili sama sa uban

kinahanglan nimung magconcentrate

imung dalunggan mamahimung tangkag nga

musawu sa kada nota

ug sama sa preskong hangin

imung ilugun ang mga nota sa haguk

ig saka — dungngani ug inhale

dayun ig ubus — exhale

ug akung mga baga

ma-relax sad

kunuhay.

*image by Miguel Angel Ruíz Sánchez