image: Tanner Van Dera

Tupluk-tupluk ug Dukduk-dukduk

1:58 AM

Gawas sa opisina

naay mga tawu nga hilum sa paghaguk ilawum anang

waiting shed dapit sa Inmaculada

ug ang mga bitoon nga unta sa langit magbitay

kay mutupad kanila diha sa basa nga bahin

kilid sa kalsada.

Ug atbang kay naa puy mga maglingkud

sa puthaw ug hilum nga mulaguk

ug bino,

ug ang kagabhiun magpahuwam kanila

anang kangitngit.

Gawas sa opisina

gadukduk ang mga panday

sama naku atubangan aning keyboard

ug monitor

kay lagi ang pagpaningkamut

walay piliung oras, espasyo o kaha

atup.