給我不行的理由

刻意練習不著一字唔直接提件事,原來好鬼難,唔想以後變成咁樣,你應該知道要點做

Daisy Maris Fung
Jun 8 · 2 min read

其實我真係好相信直覺嘅人黎,那怕有人屌我話我錯,我都係會順住我嘅gut feeling 去話/踢爆某啲人。但隨著人大咗,直接出聲話嘅經已越來越少,甚至越黎越鍾意食住花生等睇戲,無嘅,有啲嘢講果一刻又唔信,仲要話返我錯,有時我又 proof 唔到點解我嘅直覺覺得件事有問題,咁咪唔出聲囉,無嘢嘅。但係去到大事大非,見到啲人係點,我又有衝動出返黎屌柒佢。

話香港人唔會理,講都無謂,仲話好明白香港人係點,其實咁樣打擊香港人嘅智慧,認定香港人係無撚用,無腦,咁樣好好叻咩?響高地好威威呀?跟住先至去睇吓佢有乜 friend 子,真係物以類聚,全部都係果挻人,唔怪之得去到某一個位我唔係太想再 follow,連我自己都唔係太解釋到嘅真相竟然響呢啲位度出現,都唔知算唔算係圖窮匕現嘅變奏版。

無嘅,真係可以唔參與,但真係成功爭取之後,就唔好黎分享成果啦,我一定會話你契弟。就算唔成功,都起碼努力過。但係不停話件事無意義又咁又點,唔好成為人哋嘅籌碼 etc,咁其實出生一刻就步向死亡死咗乜都無都係無意義,又點解生存呀你?依傢就死撚咗佢啦,好唔好?

響重要事件面前真係最容易睇到個人嘅問題響邊度。曾經有一條友又乜嘢巫術大祭師靈媒乜乜乜,講埋啲冷血到死嘅說話,一啲愛心都無,仲要歌頒政權如何美好,被踢爆原來有美國護照,啲照妖鏡咪響呢度出哂黎囉。所以話依傢係末世,我信傢,不過應該末等到彌賽亞出現我經已死咗傢啦。

我自己唔好,都想下一代好,我無下一代,都想我啲姨甥孫好;唔係無你一個都無所謂,係爭你一個真係好有所謂。你仲想俾呢啲藏鏡人 mind fuck 叫你今次唔去下次都唔好去,冷冷漠漠咁搞死個香港,咁你繼續豬油蒙心,俾人賣咗都仲幫人數錢啦,我行先。

🦄咪啲吟

人開 Publication,我又開 Publication

Daisy Maris Fung

Written by

香港人,相信互聯網,更相信新媒體;粵文最高,甚麼都寫,不製造高品味假象。又,本 Medium 及相關之社交媒體渠道只反映個人意見,不代表任何機構立場。主網站 daisymarisfung.com 但更多 Medium exclusive

🦄咪啲吟

人開 Publication,我又開 Publication