React Native ແມ່ນຫຍັງ?
React Native ແມ່ນ framework ສຳລັບການພັດທະນາແອັບພິເຄຊັ່ນເທິງມືຖືທີ່ເປັນ Native ຜ່ານການນຳໃຊ້ພຽງແຕ່ເຕັກໂນໂລຊີຂອງ React ແລະ ພາສາ JavaScript ຖືກພັດທະນາໂດຍ Facebook :D
ມັນຄື Native App!
ການພັດທະນາ React Native, ບໍ່ແມ່ນການເຮັດແອັບໃຫ້ເປັນ mobile web app, HTML5 app ຫຼື ວ່າ Hybrid App. ມັນຄືການພັດທະນາແອັບທີ່ເປັນແອັບ Native ຈິງໆ ທີ່ built ໂດຍພາສາ Objective-C ຫຼື ພາສາ Java. ຊື່ງຕ່າງຈາກການພັດທະນາທີນຳໃຊ້ເຕັກໂນໂລຊີຂອງ Hybrid App ທີ່ໃຊ້ Web ເຕັກໂນໂລຊີຄອບການທຳງານຂອງໂຕແອັບອີກເທື່ອໜື່ງ
Native Application
ການເຮັດແອັບທີ່ເປັນ Native ແອັບນັ້ນ ຈຳເປັນຕ້ອງໄດ້ສຶກສາພາສາໂປຣແກມຂອງແຕ່ລະ platform ຢ່າງເຊັ່ນ:
- ຕ້ອງການພັດທະນາແອັບໃນ platform Android ກໍຕ້ອງໄດ້ສຶກສາພາສາ Java ຫຼື Kotlin ແລະ ສະຖາປັດຕະຍະກຳການເຮັດວຽກຂອງ Android
- ຕ້ອງການພັດທະນາແອັບໃນ platform iOS ຫຼື iPhone ກໍຕ້ອງໄດ້ສຶກສາພາສາໂປຣແກຣມຢ່າງ Objective-C ຫຼື Swift ແລະ ສະຖາປັດຕະຍະກຳການເຮັດວຽກຂອງ iOS
ຂໍ້ດີຂອງການເຮັດແອັບທີເປັນ Native
- ໄວ
- ສະດວກ
- ຄວາມຮູ້ສຶກໃນການໃຊ້ງານທີ່ບໍ່ຜິດພ້ຽນ ຫຼື ແຕກຕ່າງ
- ເຮັດວຽກໄດ້ຢ່າງຖືກຕ້ອງ
ຫຼຸດເວລາດ້ວຍ React Native
React Native ເປັນການພັດທະນາແບບ Cross-platform ສາມາດເວົ້າໄດ້ວ່າ ຮຽນຮູ້ພຽງເຕັກໂນໂລຊີດຽວນຳໄປໃຊ້ໄດ້ກັບທຸກ platforms ຢ່າງ android ຫຼື iOS ໄດ້. ຊື່ງຂໍ້ໄດ້ປຽບຂອງ React Native ກໍຄື ເຮົາຈະໄດ້ແອັບທີ່ເປັນ Native ແທ້ ເຖີງແມ້ວ່າເຮົາຈະບໍ່ໄດ້ນຳໃຊ້ພາສາ Native ຢ່າງ Java(android) ແລະ Swift(iOS) ເປັນຕົ້ນ. ນອກນັ້ນຍັງສາມາດໃຊ້ກັບ Web ໄດ້ດ້ວຍ ແຕ່ຈະເປັນໃນຮູບແບບຂອງ ReactJS ແທນ :D
ສຳລັບຂໍ້ມູນເພີ່ມຕື່ມ ;)