我相信有好多人都見過呢幅圖，無錯啦，我係並無(未)比錢做Medium嘅Member嘅。
其實主要原因係....我一直都認為我冇呢個需要。
於是我每個月都要面對呢幅圖...
無錯，我今個月又睇晒三篇嘅Quota啦...唉。
有睇開Medium嘅人會知道，Medium有啲文章係屬於付費文章，姐係有粒星星(★)個啲，免費會員一個月只可以免費睇三篇付費文章。
於是，每當我睇晒三篇，我就會將我想睇嘅付費文章Bookmark左佢，留番去下一個月先再睇，省錢至極嘅做法。
點解無啦啦想講啲咁嘅野呢，就係因為本來咁樣做都好地地....
但直至我發現愈來愈多文都係付費文章...
當我搭車打開Medium個App，入面所有推介我嘅文章都係有粒★，姐係代表我只有三次機會。
忍耐力高嘅我選擇左忍，三篇咪三篇。
(其實有方法可以睇多啲嘅...不過有啲麻煩...)
直至有一次我真係忍唔住。
事關係Facebook㩒Link入去Medium，佢係唔會顯示篇文章有冇★，係咪付費，每一次都係靠估。
咁我都唔緊要，篇文好睇又值得我㩒入黎睇嫁嘛，如果唔係人地做乜要寫文。
點知，一睇，原來係標題黨。
成篇睇晒，只有三十秒，仲要冇圖，同佢係Facebook出個Status一樣，咩話？我睇Facebook Status點解要去Medium，成篇都只係個人見解，冇事實，好似睇感想仲要一張圖都冇(呢個年代點可以冇圖)。
當時真係幾嬲，因為咁樣我就失去左一次機會係Medium睇一篇我有興趣而又有內容嘅文章。
不過我覺得個問題係，當你用啲咁嘅文章做付費文章就可以有錢收？會唔會侮辱左文字工作者？
對於Medium嘅付費會員我就唔解釋，想知分別可以望下呢篇(放心啦冇★)。
的確，付費文章加上付費會員呢個組合先可以令到作者有收入，因為普通會員只可以增加篇文嘅曝光率。而且一個月US$5又唔可以話好貴，飲少杯Starbucks已經睇多好多文。
所以呢種Business Model嘅出現，係可以保障到作者嘅收入，對文字工作者(特別係香港嘅文字工作者成日都比人話唔值錢)黎講係一件好事，當然前提係你有心寫好每一篇文章(唔好好似我咁又寫篇垃圾出黎)。
要改善嘅，我覺得係Medium嘅UI，可唔可以加番啲★提示下我，等我可以「帶眼識文」。不過站在Medium嘅立場，佢當然想我每個月都睇晒三篇，然後心思思去做付費會員。
正如作為一個作者，當然係想將自己所有嘅文章都可以★搵到錢★。
咁點解我啲文章冇(未有)★嘅？
Er...因為我懶去搞？都真係其中一個原因。另一個原因係自己都唔係一個專業嘅作家，寫啲文都係發表下我思我感，或者推廣下啲知識比普羅大眾，咁如果變左付費文章咪少左人睇囉。講到我啲文好似有好多人睇咁，其實係付費文章咁嘅人流都唔會有錢搵嫁啦😀。
所以我自己就唔係太想將啲文章變做付費文章嘅...最多都係每篇文加多兩個Wallet Address叫大家比啲ETH/BTC我請我飲咖啡。
如果覺得我寫嘅野好啱你睇，想比啲動(財)力支持一下我，可以捐助下:)
Bitcoin: 3PXz5N7Ld7uYtJUnPxenvdDeAZDhXVyqWm
Ethereum: 0x5061538b90c08eb68cd4a098dea902b69943d8a7
於是，就去左「將來可以點做」嘅呢條問題啦。
咁可以點(搵下咖啡錢)呢？
寫得Blockchain文章，當然就相信有Blockchain Solution。
我搵到嘅Solution係LikeCoin。
LikeCoin係由一個香港人做嘅Foundation，希望可以以Coin嘅形式去回報番比創作者，創作不限於文字創作，可以係任何形式嘅創作...Blablabla，詳情可以去LikeCoin度留意番，佢地個UI設計得好好，用落真係好舒服，簡單易明之中感受到落左好多心機。
的確係，我疑心係比較重，所以一直知道有LikeCoin但都未曾去用過。因為我有啲問題要搵到答案先。
首先，LikeCoin Foundation有一種加密貨幣LikeCoin Token，基於Ethereum嘅ERC20所創建，呢啲技術野我地遲啲有時間又解釋下。所有Coin嘅發售係由一間係香港嘅NGO所管理，並且早前係網上眾籌。
咁到底有冇進行過ICO呢？
要知道香港法律上仲未有相關法例去處理ICO(Initial Coin Offering)，只係當作證券一種：
本聲明旨在闡明，視乎個別ICO的事實及情況，當中所發售或銷售的數碼代幣可能屬於《證券及期貨條例》所界定的“證券”，並受到香港證券法例的規管。
係香港唔做ICO啦，當Token係一種優惠券/代用券又可唔可以呢？
網上又好，證監會又好，好似從未有過答案。
NGO做ICO，又會唔會有一日比政府(證監會)抽後算賬呢？我真係太多問題。
於是我呢啲咁多疑嘅人，就注定錯過晒LikeCoin啲早鳥呀、咩咩咩大優惠啦。鬼叫我窮，於是咪愈黎愈窮囉。
我地遲啲先再深入睇下ICO、Coin、Token係啲乜野啦，好多題目可以寫，有排都未跑到數...
冇呀，未整到個LikeCoin Button，繼續用住啲字先：
如果覺得我寫嘅野好啱你睇，想比啲動(財)力支持一下我，可以捐助下:)
Bitcoin: 3PXz5N7Ld7uYtJUnPxenvdDeAZDhXVyqWm
Ethereum: 0x5061538b90c08eb68cd4a098dea902b69943d8a7
