“Perlas ng Silangan”
Kalayaan! Sigaw na nagbigay ng buhay sa panibagong bukas
Adhikaing ipinaglaban, magbigay lamang ng lunas
Sulyap sa kalangitang payapa at kaguluhang may wakas
Ating hinahanap sa bawat isa ang lakas
Rebolusyong inialay ang bilang ng mga buhay
Ihinandog ang dugo’t pawis, makamit lamang ang tunay
Nagsimula sa pagukit ng mahal na Bonaficio; “Viva la independenia Filipina!”
Layon na ipamahagi sa mundo, nagnanais ng kalayaan ang bayan ko
Araw ng kalayaan, kailan ka makakamtan?
Nang aking maranasan ang lipad ng tila ibong may kasarinlan
Nasadlak sa dusa, ang bayan kong mahal, binihag ka
Gumuho man ang paghangad, hindi hahayaang mawalay ka
Binuhay sa bawat puso ng lumabang Pilipino
Ang tunay na kahulugan ng kasarinlang nagulo
Yumao ka kapatid, at ipaglaban ang bayan
Atin ng maaasam ang hinahangad na kalayaan
Narito na ang bughaw na langit at luntiang lupain, ito ay atin
Kinilala ang kalayaan, ngayong Hunyo Labingdalawa
Oh Pilipinas, lupain ng ginto’t bulaklak
Ngayo’y iyong ipahayag, ang pag-ibig sa iyong palad
Gumuho man ng minsan, may bukas na nakaabang
Pilipino kapatid ko, lahi natin ito
Ikahiya ay hindi, ang nananalaytay na dugo
Lumikha, humimok, magtatag at magsagawa
Ipakita ang sakdal na laya ay narito na
Panatiliing buhay sa bawat mamamayan
Itong Pilipinas, ay ating ipinaglalaban
Ngayon , bukas at magpakailan paman
Ating ang bayang ito, walang bahid ng pagaalinlangan
Sayo, akin at kanila, ang Perlas ng silangan
