Python 程式編輯器 — Spyder
Published in
Feb 21, 2022
大部份嘅程式編寫,其實都會用到一D叫整合開發環境(Integrated Development Environment,IDE)嘅軟件。呢D軟件都包含 Code/Editor Editor(程式/文字編輯器),Compiler(編譯器),Debugger(除蟲器)等等嘅功能。
太過詳細嘅我唔多講,今次我會試用一款叫 Spyder 嘅 IDE。
嚮開始之前,要先講講另一款大家可能嚮網上搵到編寫 Python 嘅工具,叫做 Anaconda。
Anaconda 我就未有太過深入了解,睇左一陣,基本上我會定義佢為一款整合工具。
如果要搵個例子去說明,我會直接話佢似果D二十合一嘅安裝工具。即係你只要安裝左 Anaconda,佢入邊有好多不同種類,幫助你編寫 Python 嘅工具。
咁既然咁方便,點解唔用呢?
因為我爬過下文,Anaconda 本身可能會幫你安裝好多你唔需要嘅野,一來佔用太多空間,二來要清除時會有一定難度。
除此之外,了解一下 Python 自身安裝其他工具或者 Package等等,對了解 Python 都有一定程度嘅幫助。
廢話講得太多,為左分類好些少,我會分開幾篇去講解。並且以伸延閱讀去幫助太過串連番晒。