【做Startup地推Roadshow教會我的事】如何令你的Roadshow行銷成效更大?
分享Roadshow 4個事前準備＋6個落埸留意位
這篇文章較合適於銷售產品類型的Roadshow，也會提及一些做roadshow注意的地方，主要是來自在網購平台做地面推廣時的觀察及實戰。
可能你會問，現在個個都搞online，為什麼要做地面推廣？
- 準及快
個個都搞online，令網上的競爭愈來愈激烈，獲客成本開始愈來愈高，網上固然多一個渠道讓人了解到，同時搞offline roadshow讓你可以更精精更人性化去接觸你的目標客戶，相對準同快。
- 有啲客係online你永遠獲取唔到
網上受眾主要係一班識用手機，有網購習慣的人，當公司擴展去到某個規模，online 獲客好難再係網上有爆發性的增長，所以需要試唔同渠道去接觸潛在客戶，地面推廣 roadshow就係其中一種，教育客人然後獲客。
- 品牌曝光 透過線下加深可信性及品牌互動
透過在地面曝光，和人互動，令客人可釋除未被解決的疑累，促成交易。而且，年紀較大的受眾通常比較喜歡見到實則舖才有安心感，有咩可以走返入去問，所以地面實體的推廣依然係有用。
我的實戰例子
我主要為銷售糧油雜貨類的網購平台做地面推廣，目標受眾為師奶，會買生活百貨、日常用品的。街站及商場檔位，包括屋村及私人場都試過做。16日的時間獲客量超過300，生意額為5位數字。當中較為需要投入的可變動成本為人力，固定成本為booth的物資、貨的展示品等等。
如何令roadshow更有效？ 準備篇
選擇具吸引力的產品
通常產品分兩類：
皇牌產品：指你最想主打銷售的產品。
流量產品：指能吸引客人前來了解更多的產品，通常比較通用，又或者大品牌，令消費者在好短時間可以做到決定的。例如廁紙、維他檸檬茶、可樂等。
流量產品例如： 廁紙：個個都需要，吸引消費者埋來的時候睇其他產品。 維他檸檬茶、可樂：個個都飲過，睇價錢已經可以下決定。
皇牌產品例如： 自家研發的湯、米的產品
而同時要清楚產品的吸引點在價錢？品牌？功效？還是以上都是。
明確清楚你的目標受眾
舉個例子：
如果賣糧油雜貨，姐係目標對象係平時買開家居用品的師奶，所以搵佢地的聚腳點就最啱，例如街市、近惠康百佳的舖位、藥房等。
例如賣手機配件/電競椅，深水埗黃金/高登果啲就比較啱。
例如賣高檔茶，可以去酒店擺 booth，因為酒店都有茶包/客想買作手信用。
基於受眾選擇精準場景及地點
而以下是需要考慮的因素：
- 場景
如果你的產品係買賣類，最好搵返啲有購買意欲的地方。
例如街市（受眾較價格敏感）、商場（有可能客人質素較高)。
如果放係一啲交通總匯處，曝光係多，但停下來及有意即時購買的人很小，因為他們那時的意圖都是趕住回家/出去。
如果你係大包圍，係人都啱，可以搵返啲人流量多的地方，而有啲啲時間停下來去做某啲行動既，例如朗豪坊外面等，證券商成日咁做。
- 地點：
可以考慮
- 人流量 (每分鐘有幾多人經過？是否必經之路？）
- 地區特性 (例如當區方唔方便買嘢？啲人是否習慣網上消費？)
例如天水圍區，當區比領展霸左 ，購物上冇咩其他選擇，所以習慣網購，同時有部分人住村屋，如有更好更方便他們，他們都會考慮。
- 攤位的實際地點種類：
- 街站
- 公屋商場
- 私人樓商場
- 會所
- 酒店
- 市集
- 流動車
設定推廣活動目標
是次推廣以銷售為主？
還是marketing為主？
推廣量度的單位會不同。
如果以銷售為目標，實際以交易量及獲客數目為單位。
如果以marketing 為目標，例如可以app download及新用戶登記數目(不論有沒有交易) 作量度。
如何令roadshow更有效？ 落埸篇
選擇合適地點
正如上文提要，先鎖定目標對象，再選擇目標對象的出沒點，再選擇合適的場景及地區，然後選擇人流量多的地方。
街站：留意街磚，公共用地的行人道路通常存有灰色地帶可以擺街站，都是食環署管理。
私人商場地（私人場所規管）、屋村地（房屋署規管）、公園 (tbc) 不可以。
商場：和中介人/場主協議得出比較人流多的位置（通常會反映在租金上)，另外，也可以擺接近惠康百佳的位置，人流多，有打算購買意欲，當然也要考慮銷售的產品是否合適。
佈置
其實roadshow都係考慮多點垂直視覺，同要有啲嘢去搶人的注意力然後吸引過來睇。
街站方面，可以考慮易拉架。
商場方面，可以考慮垂直面來做廣告。
扮客吸客
人都係湊熱鬧，當見到好多人睇就會去睇下有咩搞，當見到有人埋單，都會有啲唔執輸/加強信心的心態去埋單，所以當想有多啲人睇可以扮客係度揀下野，企係個檔前面睇demo，問店員野，指下個booth啲產品，影相，都會吸引到客人目光走過來睇從而增加銷售機會。
同客溝通都可以做 marketing
正如上一點，當你解決緊客人問題，你sell梗的除左係個客之外，其實都係sell梗身邊湊熱鬧的人，佢地未必想直接當面比你sell，但會係旁邊睇下發生梗咩事，了解，所以同客溝通其實都係宣傳梗。
要有一句口號讓人明白你在做甚麼
例如 星期一已經可以送貨到家 金象米82.9，聽日已經可以直送去你屋企
其他例子 肥仔開倉: 唔洗去深水埗 唔洗去淘寶
一句口號吸引客人從而進行銷售
善用 能抓取注意力的工具
街站，可以用speakers播放錄好的 script，做街上的inbound marketing
商場，可以善用電腦螢幕播放影片及圖片
其他 香港有做街站的行業例子：
- 電訊
- 保險
- 證券行
- 政黨
- 美容
可以參考他們的做法再選擇一個合適你們的策略。
當然，當準備好以上因素，最後就是加上主動積極的promoter在場，令成效更大。
如果你都是做startup/ growth marketing，歡迎交流！
廷伸閱讀：【企業Cold call怎麼做才有效? 】 認清3個關鍵人物+5個準備
廷伸閱讀：【行街Sales技巧】如何有效增加Cold Call成功率？跟你分享2個技巧＋3個準備＋5個常見情況
