【乜嘢係Sizeable Firm Experience？】

要了解什麼是「sizeable firm experience」，首先要知道要求背後嘅原因。

視乎公司規模及文化，不同公司在招聘上有不同做法。部分公司會由HR做CV screening及first interview，有合適嘅candidate才將profile掉俾line manager做second screening及second interview，亦有部分HR將所有收到嘅CV直接轉發俾line manager，由line manager負責interview，將兩者混合嘅情況亦有發生。

普遍來說，我相信HR作為quality control把關第一員嘅機會率較大。

HR在不認識candidate嘅情況底下，以經驗呢啲較為客觀嘅因素(在這例子來說，其中一項要求係有「sizeable firm experience」)去做quality control，係一般大公司play safe嘅做法。

一間firm是否「sizeable」，第一個層次，其實係問緊呢間公司是否「well-known」，一間公司有一定嘅市場佔有率，自自然然就是well-known吧。

第二個層次，係問緊呢間公司是否「reputable」，一間公司well-known但不一定係reputable，reputable嘅公司一定係well-known。

之不過，一間公司規模大但不一定等於相關部門亦然。以Com Sec呢一行為例，一間中型上市公司(100億市值或以上)嘅in-house company secretarial department一般只有1–5人。

所以，呢個問題，無固定答案；根據不同行業、公司、個別HR及Line Manager，而有不同準則。一般來說，「sizeable firm experience」可以以下三大準則來訂定：
1) 大眾知名度 (for all HR’s consideration, HR未必知道太多個別行業情況)
2) 行內知名度 (for some HR and all line manager’s consideration)
3) 部門規模及架構 (for both HR and line manager’s consideration，寫CV及interview時要花功夫講解)

無「sizeable firm experience」，搵工會比較蝕底，呢樣係真，如有面試機會嘅話，唯有自己努力喺interview當中去講解3)部門規模及架構如何令你嘅相關經驗stand out from other candidates。